ପୁରୀ, ୩ /୧୧ – ଆନ୍ତର୍ଜାତୀୟ ସ୍ତରରେ ଖ୍ୟାତି ଅର୍ଜନ କରିଥିବା ବାଲୁକା ଶିଳ୍ପୀ ତଥା ସ୍ୟାଣ୍ଡ ଆନିମେଟର ମାନସ କୁମାର ସାହୁ ଓଡ଼ିଶାର ଗର୍ବ ତଥା ପଦ୍ମଶ୍ରୀ ସମ୍ମାନରେ ସମ୍ମାନିତ ଡ. ଅଶୋକ କୁମାର ମହାପାତ୍ରଙ୍କୁ ବାଲୁକା ଆନିମେସନ ମାଧ୍ୟମରେ ଏକ ହୃଦୟସ୍ପର୍ଶୀ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।ଏହି ସ୍ୱତନ୍ତ୍ର ବାଲୁକା ଆନିମେସନଟି ପୁରୀସ୍ଥିତ ମାନସ କୁମାର ସାହୁଙ୍କ ନିଜସ୍ୱ ଷ୍ଟୁଡିଓରେ ପ୍ରସ୍ତୁତ କରାଯାଇଛି। ଏହି କଳାକୃତିକୁ ସମ୍ପୂର୍ଣ୍ଣ କରିବା ପାଇଁ ପ୍ରାୟ ଏକ ଘଣ୍ଟା ସମୟ ଲାଗିଥିଲା। ଏହା ମାଧ୍ୟମରେ ମାନସ ସାହୁ ନିଜର କଳାତ୍ମକ ଦକ୍ଷତା, ସୃଜନଶୀଳତା ଏବଂ ଡ. ମହାପାତ୍ରଙ୍କ ପ୍ରତି ଗଭୀର ସମ୍ମାନ ଓ ଶ୍ରଦ୍ଧାଭାବକୁ ପ୍ରକାଶ କରିଛନ୍ତି।ଏହି ଅନନ୍ୟ କଳାତ୍ମକ ଉପସ୍ଥାପନା ମାଧ୍ୟମରେ ମାନସ କୁମାର ସାହୁ ଡ. ଅଶୋକ କୁମାର ମହାପାତ୍ରଙ୍କ ଉଲ୍ଲେଖନୀୟ ଅବଦାନ, ସଫଳତା ଓ ଗୌରବମୟ ଯାତ୍ରାକୁ ସମ୍ମାନ ଜଣାଇଛନ୍ତି।