ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ସାନ ଉସ୍ତାପଡ଼ା ପଂଚାୟତର ଲଛିପୁର ଗ୍ରାମରେ ମା ବୃନ୍ଦାବତୀ ନାଟ୍ୟ ସଂସଦ ର ନବମ ଅବଦାନରେ ମଞ୍ଚସ୍ଥ ସାମାଜିକ ନାଟକ ଜୀବନ ଛକରେ ମଣିଷ ହାଟ ନାଟକକୁ ଉଦଘାଟନ କଲେ ଗ୍ରାମ୍ୟ କମିଟି ସଭାପତି ପ୍ରଫୁଲ ଚନ୍ଦ୍ର ପଲାଇ । ଗ୍ରାମବାସୀଙ୍କ ଅନୁରୋଧକୁ ରକ୍ଷା କରି ଦର୍ଶକ ଭାବେ ଉପସ୍ଥିତ ରହିଥିଲେ କବିସୂର୍ଯ୍ୟନଗର ବିଧାୟିକା ଶ୍ରୀମତୀ ଲତିକା ପ୍ରଧାନ, ଅତିଥି ଭାବେ ବ୍ଲକ ଅଧକ୍ଷା ପ୍ରତିନିଧି ଦୁର୍ଯ୍ୟୋଧନ ଗୌଡ଼, ବ୍ଲକ ବିଜେଡି ସଭାପତି ସିମାଞ୍ଚଳ ସାମଲ , ଆସିକା ସମବାୟ ନିର୍ଦେଶକ ହୃଷିକେଶ ମେହେଣା, ଆତ୍ମା ଅଧକ୍ଷ ବିଜୟ ପ୍ରଧାନ, ସରପଞ୍ଚ ସନ୍ତୋଷ କୁମାର ସ୍ୱାଇଁ ଙ୍କ ସମେତ ସମସ୍ତ ଜନପ୍ରତିନିଧି ଉପସ୍ଥିତ ରହିଥିଲେ। ମଞ୍ଚାସିନ ଅତିଥି ମାନେ ଗଞ୍ଜାମ ଓ ଓଡିଶା ର କଳା ସଂସ୍କୃତି ଉପରେ ଆଲୋଚନା କରିବା ସହ କଳାକାର ଙ୍କୁ ଉତ୍ସାହିତ କରିଥିଲେ । ଗ୍ରାମାଞ୍ଚଳରେ କଳାର ବିକାଶ ପାଇଁ ଗ୍ରାମବାସୀଙ୍କୁ ଧନ୍ୟବାଦ ଦେଇଥିଲେ । ନବୀନ ମହାପାତ୍ର ଙ୍କ ରଚିତ ଏହି ନାଟକକୁ ନିର୍ଦେଶନା ଦେଇଥିଲେ ଭାସ୍କର ସେନାପତି ଏଥିରେ ଅନେକ ଜନପ୍ରତିନିଧି ଗ୍ରାମବାସୀ ଯୁବକ ସଂଘ ଉପସ୍ଥିତ ଥିଲେ ।
ଗଞ୍ଜାମ କୋଦଳା ରୁ କୃଷ୍ଣ ଚନ୍ଦ୍ର ପଲାଇ ଙ୍କ ରିପୋର୍ଟ ଆଇ ଜେ ବି ନିୟୁଜ।
