କୋଦଳା
ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଖଣ୍ଡିଆ ନଈ ପଞ୍ଚାୟତ ରେ ନାରୀ ସୁରକ୍ଷା, ମହିଳା ନିର୍ଯ୍ୟାତନା ରୋକିବା ପାଇଁ ପ୍ରତି ପଂଚାୟତରେ ମିଶନ ଶକ୍ତି ତରଫରୁ ଜଣେ ଜଣେ ମହିଳା ନିଯୁକ୍ତି ପାଇଛନ୍ତି । ସେମାନଙ୍କୁ ଅନେକ ସମୟରେ ବିଭିନ୍ନ ସମସ୍ୟାର ସମ୍ମୁଖୀନ ହେବାକୁ ପଡୁଛି । ତେଣୁ ପ୍ରତି ବ୍ଲକ ରେ ଏକ ନୋଡାଲ ପ୍ରେରଣା କେନ୍ଦ୍ର କରାଯାଇ ଉକ୍ତ ସମସ୍ୟା ବିଷୟରେ ଆଲୋଚନା କରିବା ସହ ସମାଧାନର
ସୂତ୍ର ବାହାର କରିବା ପାଇଁ ସ୍ଥିର କରାଯାଇଛି । ସେହି କ୍ରମରେ ବେଗୁନିଆପଡା ବ୍ଲକର ଖଣ୍ଡିଆନଈ ପଂଚାୟତ ପରିସରରେ ନୋଡାଲ ପ୍ରେରଣା କେନ୍ଦ୍ର ଖୋଲା ଯାଇଛି। ଏହି କେନ୍ଦ୍ରକୁ ଶନିବାର ଦିନ ବିଡ଼ିଓ ସସ୍ମିତା ଶତପଥି ଉଦଘାଟନ କରିଛନ୍ତି । ଏହି ସମୟରେ ସ୍ଥାନୀୟ ସରପଞ୍ଚ ପଙ୍କଜ କୁମାର ସେଠି, ବିପିଏମ ଜ୍ଞାନ ରଞ୍ଜନ ରାଉତ, ଵି ଏଲ ସି ଦେବରାଜ ବେହେରା ଉପସ୍ଥିତ ରହି ଏହି କେନ୍ଦ୍ରର ଆବଶ୍ୟକ ଉପରେ ଆଲୋଚନା କରିଥିଲେ । ସ୍ଥାନୀୟ ଏମ ଵି କେ ସନ୍ତୋଷିନୀ ଗୌଡ଼, ସଭାନେତ୍ରୀ ବିଷ୍ଣୁ ପ୍ରିୟା ଭୂୟାଁ, ସମ୍ପାଦିକା ଝରଣା ରାୟ ପରିଚାଳନା କରିଥିଲେ । ଏଥିରେ 23 ଟି ପଂଚାୟତର ଏମ ଵି କେ, ଜେଣ୍ଡର ସି ଆର ପି ଏବଂ ଖଣ୍ଡିଆନଈ ପଂଚାୟତର ସମସ୍ତ ଇ ସି ସଭ୍ୟା ଉପସ୍ଥିତ ଥିଲେ । ମଧ୍ୟାହ୍ନ 12.30 ମିନିଟ ସମୟରେ କାର୍ଯ୍ୟକ୍ରମ ଶେଷ ହୋଇଥିଲା ।