ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଅଙ୍ଗାରଗାଁ ଠାରେ ମା ଭଗବତୀ ଜୈବିକ ପ୍ରଡ୍ୟୁଷର କମ୍ପାନୀର ଏକ ଶାଖା କାର୍ଯ୍ୟାଳୟ ରହିଛି । ଏହି ଶାଖା ପକ୍ଷରୁ ଷଣ୍ଢମୂଳ ସ୍ଥିତ ଶ୍ରୀ ଶ୍ରୀ ତୁମ୍ଭେଶ୍ୱର ମନ୍ଦିର ପରିସରରେ ବାର୍ଷିକ ସାଧାରଣ ସଭା ସହିତ ଏକ ପ୍ରଶିକ୍ଷଣ ଶିବିର ଆୟୋଜନ କରାଯାଇଥିଲା । ଏହିସଭାରେ କାଜୁ ସଂଗ୍ରହ ବେଳେ ଶ୍ରମିକ ମାନଙ୍କୁ ସୁରକ୍ଷା କିଟ ପ୍ରଦାନ ପାଇଁ ଦାବି କରିଥିଲେ । କାଜୁ ସଂଗ୍ରହ ପୂର୍ବରୁ ପ୍ରଦାନ ପାଇଁ କମ୍ପାନୀ ଅଧିକାରୀ ପ୍ରତିଶୃତି ଦେଇଥିଲେ । ପ୍ରାକୃତିକ ଜୈବ ଖାଦ୍ୟର ପ୍ରତିନିଧି ପବିତ୍ର ମୋହନ ନାଥ, ଅଙ୍ଗାରଗାଁ ଶାଖା ର ସଭାପତି ନାରାୟଣ ସୁମନ୍ତରାୟ, ସମ୍ପାଦକ ଦେବହରି ସେଠି, କ୍ଷେତ୍ର ଅଧିକାରୀ ପୂର୍ଣ୍ଣ ଚନ୍ଦ୍ର ସେଠି, ପ୍ରଶାନ୍ତ କୁମାର ସେଠି, ମା କାଜୁ ଇଣ୍ଡଷ୍ଟ୍ରିର ପ୍ରୋପାଇଟର ପ୍ରଦୀପ କୁମାର ପାତ୍ର ଯୋଗଦେଇ ଜୈବିକ ସାର ବ୍ୟବହାରର ଉପକାରିତା ଉପରେ ଆଲୋଚନା କରିଥିଲେ । ଚାଷୀ ମାନଙ୍କ ଅନୁରୋଧ କ୍ରମେ ହାତୀ ଘଉଡ଼ାଇବା ପାଇଁ ଏକ ୱାଚ ଟାୱାର କମ୍ପାନୀ ତରଫରୁ ନିର୍ମାଣ କରାଯିବା ପାଇଁ ପଦକ୍ଷେପ ନିଆଯିବ ବୋଲି ପ୍ରତିଶୃତି ଦେଇଥିଲେ । ଅଭିମନ୍ୟୁ ଭୂୟାଁ, ନାରାୟଣ ପ୍ରଧାନ, ଜୟସେନ ସ୍ୱାଇଁ, ଚକ୍ରପାଣି ସ୍ୱାଇଁ, ସତ୍ୟବାନ ଜେନା ଙ୍କ ସମେତ ଶତାଧିକ ପୁରୁଷ ଓ ମହିଳା ଚାଷୀ ଉପସ୍ଥିତ ଥିଲେ ।