ଛତ୍ରପୁର ତା ୨୫/୩/୨୬(ଅରୁଣ କୁମାର ପଣ୍ଡା )ଛତ୍ରପୁର ର ଅଗ୍ରଣୀ ନୃତ୍ୟ ଅନୁଷ୍ଠାନ ରୋୟାଲ ଡ୍ୟାନ୍ସ ଏକାଡେମୀ ଦ୍ୱାରା ଆୟୋଜିତ ଓଡିଶା ଡ୍ୟାନ୍ସ ଚାମ୍ପିୟନସିଫ୍ ସିଜନ୍ -1 କାର୍ଯ୍ୟକ୍ରମ ଛତ୍ରପୁର ସ୍ଥିତଜିଲ୍ଲା ସଂସ୍କୃତି ଭବନ ଠାରେ ଆୟୋଜିତ ହୋଇଯାଇଛି ।
ଓଲିଉଡ଼ ଅଭିନେତ୍ରୀ ସୂର୍ଯ୍ୟମୟୀ ଏବଂ ଓଲିଉଡ଼ କୋରିଓଗ୍ରାଫୋର ଅମିତ ନାୟକ ଙ୍କ ଅଭିନୟରେ ମଞ୍ଚ ଦୁଲୁକି ଉଠିଥିଲା ।
ଅନୁଷ୍ଠାନର ମୁଖ୍ୟ ଟି.ସୁରେଶ ରାଓ ଙ୍କ ପୌରହିତ୍ୟରେ ଅନୁଷ୍ଠିତ ଏହି କାଯ୍ୟକ୍ରମରେ ଅନୁଷ୍ଠାନର ପ୍ରତିଷ୍ଠାତା ଟି.ପଦ୍ମା ଉଦଘାଟନ କରିଥିଲେ ।

ମୁଖ୍ୟଅତିଥି ରୂପେ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ, ସମ୍ମାନୀତ ଅତିଥି ଆନ୍ତର୍ଜାତିକ ଓଡିଶୀ ଗୁରୁ ଡ଼ଃ. ଗଜେନ୍ଦ୍ର ପଣ୍ଡା ଏବଂ ନିର୍ଦ୍ଦେଶକ ସୁରେଶ ପ୍ରସାଦ ରଥ , ସ୍ବର ସଂଯୋଜକ ଅରୁଣ କୁମାର ଶତପଥୀ, ଉତ୍କଳ ସଙ୍ଗୀତ ମହାବିଦ୍ୟାଳୟ ର ବିଶେଷ କାର୍ଯ୍ୟରତ ଅଧିକାରୀ ଅମିୟ କୁମାର ଧଳ , ମଧୁସ୍ମିତା ପଟ୍ଟନାୟକ, ଶୁଭଶ୍ରୀ ପ୍ରଧାନ, ବୀରେନ୍ଦ୍ର ନନ୍ଦ ପ୍ରମୁଖ ବହୁ ଗଣ୍ୟମାନ୍ୟ ଅତିଥୀଙ୍କ ଗହଣରେ କାର୍ଯ୍ୟକ୍ରମ ର ଶୁଭାରମ୍ଭ ହୋଇଥିଲା । ମୁଖ୍ୟ ଆକର୍ଷଣରେ ସ୍ୱତନ୍ତ୍ର ଅତିଥି ଓଡ଼ିଆ ସିନେମା ଜଗତର ବିଶିଷ୍ଟ ନୃତ୍ୟ ନିର୍ଦ୍ଦେଶକ ଅମିତ କୁମାର ନାୟକ ଏବଂ ଓଡ଼ିଆ ଅଭିନେତ୍ରୀ ସୂର୍ଯ୍ୟମୟୀ ମହାପାତ୍ର ପ୍ରମୁଖ ବହୁ ଶିଳ୍ପୀ, ତାରକା, କଳାକାର ମଞ୍ଚରେ ଅଭିନୟ ପ୍ରଦର୍ଶନ କରି ଦର୍ଶକଙ୍କୁ ଆକର୍ଷିତ କରିଥିଲେ । ଉତ୍ସବମୁଖର ଭାବେ ପ୍ରଦର୍ଶିତ ହୋଇଥିବା ଏହି ସାଂସ୍କୃତିକଭରା କାର୍ଯ୍ୟକ୍ରମ ଖୁବ୍ ଲୋକାଭିମୁଖୀ ହୋଇ ଉଠିଥିଲା । ସମସ୍ତ ଅତିଥି ମାନଙ୍କୁ ଅନୁଷ୍ଠାନ ତରଫରୁ ପୁଷ୍ପଗୁଛ ସହ ଉପଢୌକନ ଦେଇ ସମ୍ମାନୀତ କରାଯାଇଥିଲା । ପ୍ରାରମ୍ଭରେ ଓଡିଶୀ ନୃତ୍ୟ ଏବଂ ପରେ ଅନୁଷ୍ଠାନର ମୁଖ୍ୟ ତଥା ନୃତ୍ୟ ନିର୍ଦ୍ଦେଶକ ଟି.ସୁରେଶ ରାଓ ଙ୍କ ନିର୍ଦ୍ଦେଶନାରେ ଛାତ୍ରଛାତ୍ରୀ ମାନଙ୍କ ଦ୍ୱାରା କାଠପାଦ ନୃତ୍ଯ (ବୁଢ଼ୀ ଠାକୁରାଣୀ ଙ୍କ) ଗୀତରେ ରେ ତାଳେ ତାଳେ ଚିତ୍ତାକର୍ଷକ ନୃତ୍ୟ ପରିବେଷଣ ହୋଇଥିଲା । ଏଥି ସହ ପରେ କୁଚିପୁଡି-ନୃତ୍ୟ,ସମ୍ବଲପୁରୀ ନୃତ୍ୟ, ଆଧୁନିକ ନୃତ୍ୟ, ପରିଭେଷଣ ହୋଇ ଦର୍ଶକଙ୍କୁ ବିମୁଗ୍ଧ କରିଦେଇଥିଲା ।
ନୃତ୍ୟଗୁରୁ ଶ୍ରୀ ଅମିତ ନାୟକ ଯୋଗଦେଇ ଏଭଳି ଦକ୍ଷ କଳାକାର ମାନଙ୍କୁ ଆଗାମୀ ଦିନରେ ସିନେମାରେ ସୁଯୋଗ ଦିଆଯିବ ବୋଲି ପ୍ରଶଂସା କରି କହିଥିଲେ ।ଶେଷରେ ସମସ୍ତ ଜିଲ୍ଲା ର ଅନୁଷ୍ଠାନର ଛାତ୍ରଛାତ୍ରୀମାନଙ୍କୁ ଟ୍ରଫି,ସାର୍ଟିଫିକେଟ ଦିଆଯାଇଥିଲା । ନୃତ୍ୟ ପ୍ରତିଯୋଗିତା ରେ ବିଜୟୀ ଛାତ୍ର ଛାତ୍ରୀ ମାନଙ୍କୁ ଟ୍ରଫି,ସାର୍ଟିଫିକେଟ, ବୃତ୍ତିନାମାରେ ସମ୍ମାନୀତ କରାଯାଇଥିଲା । ଏହି କାଯ୍ୟକ୍ରମରେ ଅନୁଷ୍ଠାନର ସଭାପତି ଦେବରାଜ ପ୍ରଧାନ, ନୃତ୍ୟଗୁରୁ ସନ୍ତୋଷ ରେଡ୍ଡୀ, ବନ୍ଦନା ପଣ୍ଡା ,ଆର. ଦେବକୀ ରେଡ୍ଡୀ, ଗାୟତ୍ରୀ ବେହେରା, ଇ. ଅନୀଲ୍, ଦିବାକର ବେହେରା ପ୍ରମୁଖ ସକ୍ରୀୟ ସହଯୋଗ କରିଥିଲେ ।