କୋଦଳା
ସାତ ବର୍ଷ ତଳେ ହଜି ଥିବା ବାଇକ କୁ ପୋଖରୀ ସଫା ବେଳେ ଉଦ୍ଧାର ହୋଇଛି । ଏହି ଭଳି ଘଟଣା ଘଟିଛି ବେଗୁନିଆପଡା ବ୍ଲକ ତାଳସର ଗ୍ରାମରେ । ଏହି ଗ୍ରାମର ମହେନ୍ଦ୍ର ନାହାକ ସାତ ବର୍ଷ ତଳେ ନିଜ ଘର ବାରଣ୍ଡାରେ ରଖିଥିବା ସମୟରେ ରାତିରେ କେହି ଦୁବୃତ୍ତ ନେଇ ଯାଇଥିଲେ । ସକାଳୁ ବାଇକ ନ ଥିବା ଦେଖି ମହେନ୍ଦ୍ର ବେଗୁନିଆପଡା ଥାନାରେ ଏତଲା ଦେଇଥିଲେ । ବାଇକ ର ଇନ୍ସୁରାନ୍ସ ଥିବା ଯୋଗୁଁ ମହେନ୍ଦ୍ର କମ୍ପାନୀ ରୁ ବାଇକ ର ଟଙ୍କା ପାଇ ଯାଇଥିଲେ । ତେବେ ତାଳସର ଗ୍ରାମବାସୀ ଙ୍କ ପକ୍ଷରୁ ବିରି ପୁର ସାହିର ପାଣିଖିଆ ପୋଖରୀ ସଫା ପାଇଁ କାର୍ଯ୍ୟ ଚାଲିଥିବା ବେଳେ ଉକ୍ତ ପୋଖରୀ ରୁ ବାଇକ ଟି ଉଦ୍ଧାର ହୋଇଛି । ମହେନ୍ଦ୍ର କମ୍ପାନୀ ରୁ ଟଙ୍କା ପାଇଥିବା ଯୋଗୁଁ ଉକ୍ତ ବାଇକ ନେଇ ନାହାନ୍ତି । ଅନ୍ୟ ପକ୍ଷରେ ପୋଲିସ କୁ ଖବର ଦିଆ ଯାଇ ଥିବା ଜଣା ପଡିଛି ।