(ଗଞ୍ଜାମ କୋଦଳା ରୁ କୃଷ୍ଣଚନ୍ଦ୍ର ପଲାଇ ଙ୍କ ରିପୋର୍ଟ ଆଇ ଜେ ବି ନିୟୁଜ)

ପ୍ରାଥମିକ ବିଦ୍ୟାଳୟରେ ଠିକା ନିଯୁକ୍ତି ଉଛେଦ ସହ ଠିକା ଶିକ୍ଷକଙ୍କୁ ତୁରନ୍ତ ନିୟମିତ କରିବା, ନିୟମିତ ହୋଇଥିବା ଶିକ୍ଷକଙ୍କ ୬ ବର୍ଷ ଠିକା କାର୍ଯ୍ୟକାଳକୁ ମୂଳ ଚାକିରୀ ସହ ମିଶାଇ ୬ ଟି ନୋସନାଲ ଇଂକ୍ରିମେଣ୍ଟ ପ୍ରଦାନ କରିବା,ଅବିକଳ ଭାବେ କେନ୍ଦ୍ରୀୟ ହାରରେ ଦରମା ପ୍ରଦାନ କରିବା ଓ ନୂତନ ପେନସନ କୁ ଉଛେଦ କରି ପୁରୁଣା ପେନସନ ଲାଗୁ କରିବା ଆଦି ଦାବୀରେ ରାଜ୍ୟ ମିଳିତ ସଂଘର ଆହ୍ୱାନରେ ଆଜି ବେଗୁନିଆପଡା ବ୍ଲକ ଏନ ପି ଏସ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ବ୍ଲକ ସଭାପତି ଅନୀଲ କୁମାର ବିଶ୍ବାଳ ଙ୍କ ଅଧକ୍ଷତାରେ ଅନୁଷ୍ଠିତ ଏହି ବୈଠକରେ ବ୍ଲକର ଶତାଧିକ ଶିକ୍ଷକ ଓ ଶିକ୍ଷୟିତ୍ରୀ ଯୋଗଦେଇ ରାଜ୍ୟ ସରକାରଙ୍କ ଶିକ୍ଷକ ମାରଣ ନୀତି କୁ ତୀବ୍ର ସମାଲୋଚନା କରିଥିଲେ। ଗତ ନଭେମ୍ବର ମାସରେ ଶିକ୍ଷକଙ୍କ ଆନ୍ଦୋଳନକୁ ପ୍ରଶମିତ କରିବା ପାଇଁ ଏକ ଉଚ୍ଚ ସ୍ତରୀୟ କମିଟି ଗଠନ କରାଯାଇଥିବା ବେଳେ ଆଜି ପର୍ଯ୍ୟନ୍ତ କୌଣସି ଦାବୀ ପୁରଣ ଉପରେ ସରକାର ପଦକ୍ଷେପ ନେଇ ନଥିବା ଯୋଗୁଁ ସମସ୍ତେ ଆନ୍ଦୋଳନକୁ ଓହ୍ଲାଇବା ପାଇଁ ନିଷ୍ପତ୍ତି ନେଇଥିଲେ। ଏବଂ ଯଦି ଦାବୀ ପୁରଣ ନହୁଏ ତେବେ ଆସନ୍ତା ୧୫ ତାରିଖରୁ ସମସ୍ତ ଏନ ପି ଏସ ଶିକ୍ଷକ ଓ ଶିକ୍ଷୟିତ୍ରୀ ସାମୁହିକ ଛୁଟିରେ ଯିବା ପାଇଁ ଚେତାବନୀ ଦେଇଥିଲେ।। ଆଜିର ଏହି ବୈଠକରେ ସଂଘର ସମ୍ପାଦକ ସଞ୍ଜୟ କୁମାର ପାଣ୍ଡି, ଉପ ସଭାପତି ପଙ୍କଜ କୁମାର ବେହେରା, ସଂଗଠନ ସମ୍ପାଦକ ପ୍ରକାଶ ଚନ୍ଦ୍ର ଭୂୟାଁ, ଅଜିତ କୁମାର ମିଶ୍ର, ମିଡିଆ କୋଡ଼ିନେଟର ରବୀନ୍ଦ୍ର ମହାରଣା, ରାଜେନ୍ଦ୍ର ସେଠୀ ,କୋଷଧକ୍ଷ ପି କୃଷ୍ଣ ଚନ୍ଦ୍ର ଦୋରା,ନାରାୟଣ ଜେନା ପ୍ରମୁଖ ଙ୍କ ସମେତ ଉପଦେଷ୍ଟା ମଣ୍ଡଳୀ ଓ ସମସ୍ତ ଶିକ୍ଷକ ,କନିଷ୍ଠ ଶିକ୍ଷକ ଶିକ୍ଷୟିତ୍ରୀ ପ୍ରମୁଖ ଉପସ୍ଥିତ ଥିଲେ।