ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ବମକୋଇ ପଞ୍ଚାୟତ ଅନ୍ତର୍ଗତ କୁମରଡ଼ା ଗ୍ରାମରେ ଗୁରୁବାର ଦିନ ଶ୍ରୀ ରାମେଶ୍ୱର ଶୈବପୀଠରେ ବିଶ୍ଵଶାନ୍ତି ପଞ୍ଚକୁଣ୍ଡୀୟ ହରିହରାତ୍ମକ ମହାଯଜ୍ଞ ନିମନ୍ତେ ବିରାଟ କଳସ ଯାତ୍ରା ଅନୁଷ୍ଠିତ ହୋଇଯାଇଛି । ବ୍ଳକ ଅଧିନସ୍ଥ କୁମରଡ଼ା , ଚୈତନ୍ୟ ପ୍ରସାଦ, ମୁଣ୍ଡପୋତା , ଖଇରପଙ୍କ , ନାରାୟଣପୁର , ପୂଜାରୀ ପଲ୍ଲୀ , କୁକୁଟବନ୍ଧ ଆଦି ବିଭିନ୍ନ ଗ୍ରାମର ପ୍ରାୟ ୪ ଶହରୁ ଉର୍ଦ୍ଧ୍ୱ ମହିଳା ମାନସିକଧାରୀ ଶୈବ ପୀଠରୁ ଶୋଭାଯାତ୍ରାରେ ବାହାରି ଧାନରାଶି ଗ୍ରାମ ବାହୁଦା ନଦୀ ମହାବାରୁଣୀ ସ୍ନାନ ଘାଟରେ ପହଞ୍ଚିଥିଲେ । ସେଠାରେ ମୂଖ୍ୟ ପୁରୋହିତ ଶିବପ୍ରସାଦ ପଣ୍ଡା ପୂଜାର୍ଚ୍ଚନା ହୋମ ଇତ୍ୟାଦି କରିଥିଲେ । ଗଡ଼ଗୋବିନ୍ଦ ପୁର ଗ୍ରାମର ବଦ୍ରିନାରାୟଣ ପାଣିଗ୍ରାହୀ ଏହି ପୂଜାରେ କର୍ତ୍ତାଭାବେ ଯୋଗଦେଇଥିଲେ । ପୂଜା ସମାପ୍ତି ପରେ ମହିଳାମାନେ ବାହୁଦା ନଦୀରୁ କଳସରେ ପାଣି ଧରି ଶ୍ରୀ ରାମେଶ୍ୱର ଶୈବ ପୀଠ ଅଭିମୁଖେ ଯାତ୍ରା କରିଥିଲେ । ଏହି କଳସ ଯାତ୍ରା ବେଳେ ରାସ୍ତାରେ ଥିବା ବିଭିନ୍ନ ଗ୍ରାମରେ ଶ୍ରଦ୍ଧାଳୁ ମାନଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଚଳିତ ମାସ ୩୦ ତାରିଖରେ ଏହି ବିଶ୍ଵଶାନ୍ତି ମହାଯଜ୍ଞ ପୂର୍ଣ୍ଣାହୁତି ହେବ ବୋଲି ଜଣାପଡିଛି । ମହାଯଜ୍ଞ ନିମନ୍ତେ ଗ୍ରାମକୁ ମୀନାବଜାର ଆସୁଥିବା ବେଳେ ମହାଯଜ୍ଞ ପରିଚାଳନା ନିମନ୍ତେ ଏକ କମିଟି ଗଠନ କରାଯାଇଛି । ଏହାର ସଭାପତି ରୂପେ କୋରାମଣୀ ପଟ୍ଟନାୟକ ଓ ସମ୍ପାଦକ ରାଜେନ୍ଦ୍ର ପ୍ରସାଦ ଙ୍କୁ ମନୋନୀତ କରାଯାଇଛି । ଉକ୍ତ ମହାଯଜ୍ଞର ସମସ୍ତ କାର୍ଯ୍ୟକ୍ରମକୁ ଆଖପାଖ ୭ ଖଣ୍ଡ ଗ୍ରାମର ମାନ୍ୟଗଣ୍ୟ ବ୍ୟକ୍ତି ଏବଂ ଯୁବକମାନେ ପରିଚାଳନା କରିବା ପାଇଁ ସ୍ଥିର କରାଯାଇଛି। : ରିପୋର୍ଟ:କିରଣ କୁମାର ବେହେରା