ଖଲ୍ଲିକୋଟ : 17/12 ଖଲ୍ଲିକୋଟ ଏନ ଏ ସି ର ପୂର୍ବତନ ନଗରପାଳ ସ୍ବର୍ଗତ ବନ ବିହାରୀ ଦାଶ ଜଣେ ପ୍ରଗତିଶୀଳ ରାଜନେତା ଥିଲେ ବୋଲି ଖଲ୍ଲିକୋଟ ସ୍ଥିତ ମାର୍ଦରାଜ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ 71 ତମ ଜୟନ୍ତୀ ଉପଲକ୍ଷେ ମଞ୍ଚସନ ଅତିଥି ମାନେ ପ୍ରକାଶ କରିଛନ୍ତି |ଜୟନ୍ତୀ ଅବସର ରେ ଆୟୋଜିତ ସଭା ରେ ମୁଖ୍ୟ ଅତିଥି ଭାବେ ଯୋଗ ଦେଇ ଖଲ୍ଲିକୋଟ ବିଧାୟିକା ସୂର୍ଯ୍ୟମଣୀ ବୈଦ୍ୟ ସ୍ବର୍ଗତ ବନ ବିହାରୀ ଦାଶ ଜଣେ ପ୍ରଗତିଶୀଳ ରାଜନେତା, ବିଚକ୍ଷଣ ଆଇନଜୀବୀ ଓ ସମାଜସେବୀ ବର୍ଣନା କରି ତାଙ୍କ ତିନିଥର ବ୍ୟାପି ଖଲ୍ଲିକୋଟ ଏନ ଏ ସି ନଗରପାଳ ଭାବେ ଖଲ୍ଲିକୋଟ ର ବହୁ ବିକାଶ ସାଧିତ ହୋଇଥିଲା ବୋଲି ପ୍ରକାଶ କରି ଖଲ୍ଲିକୋଟ ରାଣୀ ଙ୍କ ଜଣେ ନିକଟତମ ରାଜନେତା ଭାବେ ଦୀର୍ଘ ଦଶନ୍ଧି ଧରି ରାଜନୀତି ରେ ସକ୍ରିୟ ଥିଲେ ବୋଲି ପଦକାଶ କରିଥିଲେ |
ଅନ୍ୟମାନଙ୍କ ମଧ୍ୟରେ ଖଲ୍ଲିକୋଟ ଏନ ଏ ସି ର ପ୍ରାକ୍ତନ ନଗରପାଳ ଓ ବି ସି ସି ବ୍ୟାଙ୍କନିର୍ଧେଶକ ରାମ ମୋହନ ପଣ୍ଡା ଓ ନଗର ବିଜେଡ଼ି ସଭାପତି ନରେନ୍ଦ୍ର କୁମାର ପାତ୍ର ଓ ପୂର୍ବତନ କାଉ ନସିଲର ବିପିନ ବିହାରୀ ସାମନ୍ତ, ସ୍ବର୍ଗତ ଦାଶ ଙ୍କ ଧର୍ମପତ୍ନୀ କଣକଲତା ଦାଶ ଓ ନାରାୟଣ ଭୂୟାଁ ଓ ବିଜେଡ଼ି ମହିଳା ସଭାନେତ୍ରୀ ମିତାଞ୍ଜଳି ମିଶ୍ର ଓ ବ୍ଲକ ଯୁବ ବିଜେଡ଼ି ସଭାପତି ଦୟାନିଧି ସାହୁ ଓ ଜିଲ୍ଲା ଯୁବ ବିଜେଡ଼ି ସମ୍ପାଦକ ଚିତ୍ତରଞ୍ଜନ ମାଝି ସମ୍ମାନିତ ଅତିଥି ଭାବେ ଭାବେ ଯୋଗ ଦେଇ ସ୍ବର୍ଗତ ଦାଶ ଙ୍କ ଗୁଣାବଳୀ ନେଇ ଆଲୋକପାତ କରିଥିଲେ |.
ଜୟନ୍ତୀ ଉପଲକ୍ଷେ ଆୟୋଜିତ ରକ୍ତଦାନ ଶିବିର କୁ ବିଧାୟିକା ଶ୍ରୀମତୀ ବୈଦ୍ୟ ଉଦଘାଟନ କରିଥିବା ବେଳେ କେକ କଟାଯାଇଥିଲା | ରକ୍ତଦାନ ଶିବିର ରେ ରକ୍ତଦାତା ମାନେ56 ୟୁନିଟ ରକ୍ତ ଦାନ କରିଥିଲେ |
(ରିପୋର୍ଟ :ମାଧବ ବେହେରା, ଖଲ୍ଲିକୋଟ, ଗଞ୍ଜାମ )
