ବ୍ରହ୍ମପୁର ବିଶ୍ବବିଦ୍ୟାଳୟରେ ପିଜି କାଉସିଲ ପରିସର ମଧ୍ୟରେ ଥିବା ଭାଷାତତ୍ବ ବିଭାଗରେ ବୁଧବାର ଦିନ ନବାଗତ ଛାତ୍ରଛାତ୍ରୀ ମାନଙ୍କୁ ସ୍ଵାଗତ ସମାରୋହ କାର୍ଯ୍ୟକ୍ରମ କ୍ଲାସ୍ ରୁମ୍ ମଧ୍ୟରେ ଅନୁଷ୍ଠିତ ହୋଇଯାଇଛି। ଏଥିରେ ବିଭାଗର ମୁଖ୍ୟ ଡ଼. ମେନ୍ଦେମ୍ ବାପୁଜୀ , ଡ଼. ଅନୁପ କୁମାର କୁଜୁର୍ , ଡ଼. ବବିତା ସରଂଠେମ୍ ଓ ଶେଷଦେବ ସାହୁ ପ୍ରମୁଖ ଉପସ୍ଥିତ ରହି ନବାଗତ ଛାତ୍ରଛାତ୍ରୀ ମାନଙ୍କୁ ସେମାନଙ୍କର ଉଜ୍ବଳ ଭବିଷ୍ୟତ ଗଠନ ଉପରେ ଉପଦେଶ ଦେଇଥିଲେ ।
ଡ଼. କୁଜୁର୍ ନିଜର ବକ୍ତବ୍ୟ ରେ ମଣିଷ ଜୀବନରେ ଭାଷା ର ମହତ୍ତ୍ଵ ଓ ତାର ଭୂମିକା ବିଷୟରେ ଆଲୋକପାତ କରିଥିଲେ। ସେହିପରି ଡ଼. ବବିତା ପ୍ରତିଦିନ ଛାତ୍ରଛାତ୍ରୀ ମାନଙ୍କୁ କ୍ଲାସ୍ ରେ ଉପସ୍ଥିତ ରହିବା ଓ ଭାଷାତତ୍ୱ ମହତ୍ତ୍ଵ ଉପରେ ବୁଝାଇଥିଲେ ।ପରେପରେ ସିନିୟର୍ ଛାତ୍ର ଛାତ୍ରୀ ମାନେ ନବାଗତ ଛାତ୍ରଛାତ୍ରୀ ମାନଙ୍କୁ ଉପହାର ସହ ଫୁଲତୋଡା ଦେଇ ସ୍ବାଗତ ଜଣାଇଥିଲେ ଓ ଶେଷରେ ନବାଗତ ଛାତ୍ରଛାତ୍ରୀ ମାନଙ୍କ ଦ୍ଵାରା ରଙ୍ଗାରଙ୍ଗ ନାଚ ଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
