ଖଲ୍ଲିକୋଟ ; 27/10ଖଲ୍ଲିକୋଟ ବ୍ଲକ ଅନ୍ତର୍ଗତ ଡ଼ିମିରିଆ ପଂଚାୟତ ର 80 ଜଣ କୁମ୍ଭକାର ପରିବାର ବର୍ଷ ତମାମ ମାଟି ସହିତ ନିଜକୁ ମାଟି କରି ଯୁଝି ଆସୁଥିଲେ ମଧ୍ୟ ପୁରୁନି ପେଟ ଓ କେନ୍ଦ୍ର ସରକାରଙ୍କ ବିଶ୍ୱକର୍ମା ଯୋଜନା ବାଟବଣା ହୋଇଥିବା ବେଳେ ଗ୍ରାମ ର କୁମ୍ଭକାର ପରିବାର ଅଧିକାଂଶ ଭେଣ୍ଡିଆ ରୋଜଗାରିଆ ପିଲା କୌଳିକ ବୃତ୍ତି କୁ ଛାଡି ଦାଦନ ଖଟିବାକୁ ବାହାର ରାଜ୍ୟରେ ଥିବା ଜଣାପଡିଛି |
ଘରେ ଥିବା ମହିଳା ସଦସ୍ୟ ମାନେ ବାହାରୁ ମାଟି ଓ ଜାଳେଣି ସଂଗ୍ରହ କରି ବର୍ଷ ତମାମ ବିଭିନ୍ନ ଅନୁଷ୍ଠାନିକ କାର୍ଯ୍ୟ ପାଇଁ ଆବଶ୍ୟକ ହେଉଥିବା ଦୀପ କଳସ ଭଳି ମାଟି ନିର୍ମିତ ସାମଗ୍ରୀ ନିର୍ମାଣ କରି ସହର ମାନଙ୍କୁ ଯାଇ ବିକି ଗୁଜରାଣ ମେଣ୍ଟ|ନ୍ତି |ତେବେ ବର୍ତମାନ ମାଟି କିଣିବା ସହ ଜଙ୍ଗଲ ରୁ ଜାଳେଣି ସଂଗ୍ରହ କରିବା ବେଳେ ଜଙ୍ଗଲ ବିଭାଗ ର କଟକଣା ବାଧା ଉପୁଜୁଛି |ତେବେ ଗତ ଦୁର୍ଗା ପୂଜା ବେଳେ ମାଟି ସାମଗ୍ରୀ ବିକ୍ରି କରି କିଛି ପଇସା ରୋଜଗାର ହୋଇଥିବା ବେଳେ ଆସନ୍ତା ଦୀପାବଳି ପାଇଁ କୁମ୍ଭକାର ମାନେ ମାଟି ଦୀପ ପ୍ରସ୍ତୁତି ରେ ଲାଗି ପଡିଛନ୍ତି |ତେବେ ପାରମ୍ପରିକ ମାଟି ଦୀପ ଓ ଅନ୍ୟାନ୍ୟ ମାଟି ସାମଗ୍ରୀ ପ୍ରସ୍ତୁତି ବ୍ୟୟ ବହୁଳ ହୋଇପଡିବା ଫଳରେ ଅନେକ କୁମ୍ଭକାର ପରିବାର ଏହି ବୃତ୍ତି ରୁ ମୁଁହ ଫେର|ଇବାକୁ ବସିଲେଣି
|ଅନ୍ୟ ପକ୍ଷ ରେ ମାଟି ଜିନିଷ ବିକ୍ରି ବଟା କ୍ଷେତ୍ର ରେ ବଜାର ଅନୁକୂଳ ନଥିବାରୁ କୁମ୍ଭକାର ମାନଙ୍କ ପରିଶ୍ରମ ତୁଳନା ରେ ପାରିଶ୍ରମିକ ମିଳୁନି |ଉକ୍ତ କୁମ୍ଭକାର ମାନେ ଘୋର ଆର୍ଥିକ ଦୁସ୍ଥିତି ରେ ରହିଥିବା ବେଳେ ସେମାନଙ୍କ ପିଲା ମାନେ ଭଲ ଶିକ୍ଷା ପାଇବାରୁ ବଂଚିତ ହେଉଛନ୍ତି | ସେମାନଙ୍କ ପିଲାମାନେ ପ୍ରଚଳିତ ଯୌତୁକ ବଜାର ରେ ହତାଶ ହେବାକୁ ପଡ଼ୁଛି |ତେବେ ସରକାର ଙ୍କ ବହୁ ଜନମଙ୍ଗଳ ଯୋଜନା ବଂଚିତ ହେଉଥିବା ବେଳେ ବହୁ ବୃଦ୍ଧ ବୃଦ୍ଧା ବୟସରେ ଭାରାକ୍ରାନ୍ତ ହୋଇଥିଲେ ମଧ୍ୟ ଭତ୍ତା ରୁ ବଂଚିତ ହୋଇଥିବା ଜଣାପଡିଛି |ସେହିପରି କେନ୍ଦ୍ର ସରକାରଙ୍କ ବିଶ୍ୱକର୍ମା ଯୋଜନା ଉକ୍ତ କୁମ୍ଭକାର ପରିବାର ମାନଙ୍କ ନିକଟରେ ସଠିକ ଭାବେ ପହଂଚିପାରୁନି |
ବର୍ତମାନ ପ୍ଲାଷ୍ଟିକ ଦୀପ ଓ ଶସ୍ତା ଲିଚୁ ମାଳ ର ବହୁଳ ବ୍ୟବହାର ଯୋଗୁଁ ମାଟି ଦୀପ ଓ ଅନ୍ୟାନ୍ୟ ମାଟି ସାମଗ୍ରୀ ର ଚାହିଦା କମିବାରେ ଲାଗିଛି |ତେବେ ମାଟି ଦୀପ ନିର୍ମାଣ କ୍ଷେତ୍ର ରେ ବ୍ୟବହୃତ ଚକ ଘୁରିବା ପାଇଁ ବିଜୁଳି ଓ ଆଧୁନିକ ଯନ୍ତ୍ରପାତି ର ବ୍ୟବହାର କୁ ଅଗ୍ରାଧିକାର ପାଇଁ ସରକାରୀ ପ୍ରୋତ୍ସାହନ ନ ମିଳିଲେ କୁମ୍ଭକାର ମାନଙ୍କ କୌଳିକ ବୃତ୍ତି ର ଭବିଷ୍ୟତ ଉଜୁଡିଯିବା ନେଇ କୁମ୍ଭକାର ମାନଙ୍କ ମହଲ ରେ ଆଶଙ୍କା ପ୍ରକାଶ ପାଇଲାଣି |,
(ରିପୋର୍ଟ – ମାଧବ ବେହେରା, ଖଲ୍ଲିକୋଟ )
