କୋଦଳା
ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକର ଏସ. ଛଚିନା ସେବା ସମବାୟ ସମିତି ରେ ବୁଧବାର ଦିନ ଖରିଫ ଧାନ କ୍ରୟ ପାଇଁ ଏକ ସଚେତନତା ବୈଠକ ସଭାପତି ସିମାଞ୍ଚଳ ବିଷୋୟୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ସରକାର ମଣ୍ଡିରେ ସ୍ୱଚ୍ଛତା ଆଣିବା ସହ ସମବାୟ ମାଧ୍ୟମରେ ଧାନ କ୍ରୟ କରିବା ପାଇଁ ପ୍ରସ୍ତୁତି ପର୍ବ ଆରମ୍ଭ କରୁଛନ୍ତି । କ୍ୱିଣ୍ଟାଲ ପ୍ରତି 31 ସହ ଟଙ୍କାରେ ଚଳିତ ବର୍ଷ ଧାନ କ୍ରୟ କରିବାକୁ ସରକାର ଘୋଷଣା କରିଛନ୍ତି । ତେଣୁ ଏଥିରେ କୌଣସି ଘୋଟଲା ଯେପରି ନ ହୁଏ ସେଥିପାଇଁ ମଣ୍ଡି ପଏଣ୍ଟକୁ ସତର୍କ ନଜର ରହିବା ପାଇଁ ବ୍ୟବସ୍ଥା କରିଛନ୍ତି । ଏଫ ଏ କିୟୁ ମାନର ଧାନ ଠିକ ଓଜନ ର ଧାନ ଦେଇ ଉଚିତ ପ୍ରାପ୍ୟ ପାଇବା ପାଇଁ କହିଥିଲେ । ମିଲର ମାନେ ଭଲ ଧାନକୁ ଖରାପ କହି 2/3 କେଜି ଅଧିକ ଧାନ ନେଉଥିବା ଚାଷୀ ମାନେ ଅଭିଯୋଗ କରିଥିଲେ ।କୌଣସି ଚାଷୀ ଯେପରି ଅସୁବିଧା ର ସମ୍ମୁଖୀନ ନ ହୁଅନ୍ତି ସେଥି ପ୍ରତି ଦୃଷ୍ଟି ଦେବା, ଧାନ କ୍ରୟରେ ଚାଷୀ ମାନେ ସହଯୋଗ କରିବା ଆଦି ବିଷୟରେ ସଚେତନତା କରାଯାଇଛି । ଏଥିରେ ସହକାରୀ ଉପ ନିବନ୍ଧକ ଜି. କୃଷ୍ଣ ମୂର୍ତ୍ତି ରାଓ , ଏସ. ଛଚିନା ସରପଞ୍ଚ ଗୀତାଞ୍ଜଳି ସେଠି , ଏସ. ଛଚିନା ସେବା ସମବାୟ ସମିତି ସମ୍ପାଦକ ନୀଳାଞ୍ଚଳ ନାୟକ , ବସନ୍ତ କୁମାର ଭୂୟାଁ,ବୁଲା ଡାକୁଆ, ପ୍ରଭାତ କୁମାର ଜେନା ଓ ଶୁକଦେବ ନାୟକଙ୍କ ସମେତ ଅନେକ ଚାଷୀ ଉପସ୍ଥିତ ଥିଲେ ।
ଗଞ୍ଜାମ କୋଦଳା ରୁ କୃଷ୍ଣ ଚନ୍ଦ୍ର ପଲାଇ ଙ୍କ ରିପୋର୍ଟ ଆଇ ଜେ ବି ନିୟୁଜ ।