କୋଦଳା
ଗଞ୍ଜାମ ଜିଲ୍ଲାପାଳ ଭି କୀର୍ତିଭାସନ, ଵି ଏମ ସି ବ୍ରହ୍ମପୁର କମିଶନର ପ୍ରଥମେଶ ଅରବିନ୍ଦ ରାଜସିରିକେ ଏବଂ ଜିଲ୍ଲା ପର୍ଯ୍ୟଟନ ଅଧିକାରୀ ପାର୍ଥ ସାରଥୀ ହାଁସଦା ଗୁରୁବାର ଦିନ ବିଭିନ୍ନ ପର୍ଯ୍ୟଟନ ସ୍ଥଳିର ସ୍ଥିତି ପରଖିଛନ୍ତି । ଗଞ୍ଜାମ ଓ ଖୋର୍ଦ୍ଧା ଜିଲ୍ଲା ସୀମାନ୍ତରେ ଥିବା ଶାଳିଆ ଡ୍ୟାମ ଓ ମର୍ଦକୋଟ ନିକଟରେ ଥିବା ଝରନଇ ଜଳ ପ୍ରକଳ୍ପ ବୁଲି ଦେଖିଛନ୍ତି । ଉଭୟ ପ୍ରକଳ୍ପର ଏରିଆ କେତେ ରହିଛି, ଉକ୍ତ ପ୍ରକଳ୍ପକୁ ଗମନା ଗମନର ସୁବିଧା କିପରି ରହିଛି, ପ୍ରକଳ୍ପ ଚତୃପାର୍ଶ୍ୱରେ ପରିବେଶ କିପରି ରହିଛି ଆଦି ବିଷୟ ଦେଖିବା ସହ ଦାୟିତ୍ୱ ରେ ଥିବା ଅଧିକାରୀଙ୍କୁ ପଚାରି ବୁଝିଥିଲେ । ତାଙ୍କ ସହ ବିଡ଼ିଓ ସସ୍ମିତା ଶତପଥି, ସହକାରୀ ନିର୍ବାହୀ ଯନ୍ତ୍ରୀ ପ୍ରଦୀପ କୁମାର ସାହୁ ଙ୍କ ସହିତ ଅନେକ ପ୍ରଶାସନିକ ଅଧିକାରୀ ମାନେ ଉପସ୍ଥିତ ଥିଲେ ।