ତିନି ବର୍ଷର ନିରନ୍ତର ଗବେଷଣା ଓ ବିକାଶ ପରେ ଅଭିନବ, କୌଶଳ ଓ ବିକଶିତ ଭାବେ ରେଶମ ଉତ୍ପାଦନ ।
ତାଳଚେର : କୋଲ ଇଣ୍ଡିଆର କର୍ପୋରେଟ ସାମାଜିକ ଦାୟିତ୍ଵବୋଧ (ସିଏସଆର) ପାଣ୍ଠି ଦ୍ୱାରା ସମର୍ଥିତ ଆଇଆଇଟି ବମ୍ବେର ଏକ ଅନନ୍ଯ ପାଇଲଟ ପ୍ରକଳ୍ପ ଜୀବୋଦୟା ତିନି ବର୍ଷର ନିରନ୍ତର ଗବେଷଣା ଏବଂ ବିକାଶ ପରେ ନୈତିକ ରେଶମ ଚାଷ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଛି।
ଏହି ପ୍ରକଳ୍ପ ଅଧୀନରେ, ଆଇଆଇଟି ବମ୍ବେର ସେଣ୍ଟର ଫର୍ ଟେକ୍ନୋଲୋଜି ଅଲ୍ଟର୍ନେଟିଭ୍ ଫର୍ ରୁରାଲ୍ ଏରିଆସ୍ (ସି-ତାରା) ସଫଳତାର ସହ ରେଶମ ଚାଷର ଏକ ଅଭିନବ କୌଶଳ ବିକଶିତ କରିଛି ଯେଉଁଥିରେ ରେଶମ କୀଟ ମାରିବାର ଆବଶ୍ଯକତା ନାହିଁ। ପାରମ୍ପରିକ ପଦ୍ଧତିର ବିପରୀତ, ଏହି କୌଶଳରେ ରେଶମ କୀଟ ରେଶମ ସୂତା ଉତ୍ପାଦନ କରିବା ପରେ ପତଙ୍ଗରେ ରୂପାନ୍ତରିତ ହୋଇ ସେମାନଙ୍କର ପ୍ରାକୃତିକ ଜୀବନ ଚକ୍ରକୁ ସମ୍ପୂର୍ଣ୍ଣ କରିଥାଏ। ସେଥିପାଇଁ, ଏହି ରେଶମର ନାମ “ଜିବୋଦୟା ସିଲ୍କ” ରଖାଯାଇଛି, ଯାହା ମାନବିକ ଏବଂ ନୈତିକ ଆଭିମୁଖ୍ଯକୁ ପ୍ରତିଫଳିତ କରୁଛି।
ପାରମ୍ପରିକ ଭାବରେ, ମଲବେରୀ ପତ୍ରରେ ପାଳନ କରାଯାଉଥିବା ରେଶମ କୀଟମାନେ ନିଜ ଚାରିପାଖରେ କୋକୁନ୍ ଗଠନ କରନ୍ତି | ରେଶମ ବାହାର କରିବା ପାଇଁ ଏହି କୋକୁନକୁ ସିଝାଇ ଦିଆଯାଏ, ଯାହା ଲକ୍ଷ ଲକ୍ଷ ରେଶମ ପୋକଙ୍କ ମୃତ୍ୟୁର କାରଣ ହୋଇଥାଏ। ‘ଜୀବୋଦୟା’ ପ୍ରକଳ୍ପ ସହାନୁଭୂତିଶୀଳ ବୈଜ୍ଞାନିକ ନବସୃଜନ ମାଧ୍ଯମରେ ରେଶମ ଚାଷ ପ୍ରକ୍ରିୟାକୁ ପୁନଃ ପରିଭାଷିତ କରିଛି ଏବଂ ଏହି ଦୀର୍ଘ ଦିନର ଅଭ୍ୟାସକୁ ଆହ୍ୱାନ ଦେଇଛି।
ନିରନ୍ତର ପରୀକ୍ଷଣ ପରେ, ‘ସି-ତାରା “ଏକ ବିରଳ ବୈଜ୍ଞାନିକ ସଫଳତା ହାସଲ କରିଛି, ଯାହା ଅଧୀନରେ ରେଶମ କୀଟମାନଙ୍କୁ କୋକୁନ୍ ଗଠନ ନକରି ଏକ ସମତଳ ପୃଷ୍ଠରେ ରେଶମ ସୂତା ବୁଣିବା ପାଇଁ ତାଲିମ ଦିଆଯାଇଥିଲା। ଫଳସ୍ୱରୂପ, ରେଶମ କୀଟଗୁଡ଼ିକ ଆଉ କୋକୁନ୍ ଗଠନ କରିବାର ଆବଶ୍ଯକତା ନାହିଁ ଏବଂ ଶେଷରେ ପତଙ୍ଗ ଭାବରେ ମୁକ୍ତ ଭାବରେ ଉଡ଼ିବାକୁ ସକ୍ଷମ ଅଟନ୍ତି। ଏହି ସଫଳତା ପ୍ରାଚୀନ ଭାରତୀୟ ଦର୍ଶନର ଭାବନାକୁ ପ୍ରତିଫଳିତ କରିଥାଏ।
“ମାକଶ୍ଚିତ୍ ଦୁଃଖଭାଗ୍ ଭବେତ୍” – କେହି ଭି ଦୁଃଖୀ ହୁଅନ୍ତୁ ନାହିଁ।
ନିରନ୍ତର ସି.ଏସ୍.ଆର୍. ସହାୟତା ଜରିଆରେ ଏହି ଅସାଧାରଣ ପରୀକ୍ଷଣକୁ ସଫଳତାରେ ପରିଣତ କରିବାରେ କୋଲ୍ ଇଣ୍ଡିଆ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। ନୈତିକ ଏବଂ ପରିବେଶଗତ ଗୁରୁତ୍ୱ ସହିତ, ଏହି ପ୍ରଯୁକ୍ତିବିଦ୍ୟା ରେଶମ ଚାଷ ସହିତ ଜଡିତ ସମସ୍ତ କୃଷକମାନଙ୍କ ପାଇଁ ଆୟର ଏକ ନୂତନ ଏବଂ ସ୍ଥାୟୀ ଉତ୍ସ ମଧ୍ଯ ପ୍ରଦାନ କରିଥାଏ, ଯାହା ଗ୍ରାମୀଣ ଜୀବିକା ନିର୍ବାହକୁ ମଜବୁତ କରିବ।
‘ଜୀବୋଦୟା’ ପାଇଲଟ ପ୍ରକଳ୍ପର ସଫଳତା ସହିତ, ଏହି ପଦକ୍ଷେପ ସ୍ଥାୟୀ ଏବଂ ନୈତିକ ରେଶମ ଚାଷର ବ୍ୟାପକ ଗ୍ରହଣ ଏବଂ ପ୍ରୋତ୍ସାହନ ପାଇଁ ଅପାର ସମ୍ଭାବନା ରଖିଛି।
