ପୁରୁଷୋତ୍ତମପୁର , ୧୯/୦୨ – ( ପ୍ରସନ୍ନ କୁମାର ଦାସ ) -:- ଭାନିକ୍ ଆଇ ଏସ ଅନୁଷ୍ଠାନ ସହଯୋଗ ରେ ତାରା ତାରିଣୀ ମହାବିଦ୍ୟାଳୟର ଅଡିଟୋରିୟମରେ ଆଜି ଅପରାହ୍ନ ୧ ଘଟିକା ସମୟରେ ଏକ ପାଠଚକ୍ର ଅନୁଷ୍ଠିତ ହୋଇ ଯାଇଛି ।
ଏଥିରେ ମହାବିଦ୍ୟାଳୟର ଅଧ୍ୟକ୍ଷ ଡ. ସିମାଞ୍ଚଳ ପଟ୍ଟନାୟକ ଅଧ୍ୟକ୍ଷତା କରିଥିଲେ
ଓ କ୍ୟାରିୟର କାଉନସେଲିଂର କନଭେନର(ଆବାହକ) ତଥା ରାଜନୀତି ବିଜ୍ଞାନ ବିଭାଗର ଅଧ୍ୟାପକ ଶ୍ରୀ ସମୀର କୁମାର ମିଶ୍ର ଏହାକୁ ସୁବ୍ୟବସ୍ଥିତଭାବେ ସଂଯୋଜନା କରିଥିଲେ ।
ଏଥିରେ ମୁଖ୍ୟ ପ୍ରବକ୍ତା ବ୍ୟକ୍ତି ଭାନିକ୍ ଶିକ୍ଷା ଅନୁଷ୍ଠାନ ର ବରିଷ୍ଠ ଅଧ୍ୟାପକ ଶ୍ରୀ ବିଜୟ ରାମ ଛାତ୍ର-ଛାତ୍ରୀ ମାନଙ୍କୁ ଓଡିଶା ଓ ଭାରତୀୟ ପ୍ରଶାସନିକ ସେବା ନିମିତ୍ତ କିପରି ପ୍ରସ୍ତୁତି କରାଯିବ, ତାହା ଉପରେ ନିଜର ବକ୍ତବ୍ୟ ପ୍ରଦାନ କରିବା ସହିତ ଅନ୍ୟାନ୍ୟ ସରକାରୀ ପ୍ରତିଦ୍ୱନ୍ଦିତାମୂଳକ ନିଯୁକ୍ତି ବିଷୟରେ ଅବଗତ କରାଇଥିଲେ ।
ଭାନିକ୍ ଶିକ୍ଷା ଅନୁଷ୍ଠାନ ବ୍ରହ୍ମପୁର ଶାଖାର ମାର୍କେଟିଂ ମ୍ୟାନେଜର ଶ୍ରୀ ଅବିନାସ୍ ପଣ୍ଡା ମଧ୍ୟ ସିଭିଲ ସର୍ଭିସ୍ ରେ କ୍ଯାରିଆର ଗଠନ ଉପରେ ଛାତ୍ର-ଛାତ୍ରୀ ମାନଙ୍କୁ ପ୍ରୋତ୍ସାହିତ କରିଥିଲେ ।
କ୍ୟାରିୟର କାଉନସେଲିଂର କନଭେନର୍ ଶ୍ରୀ ସମୀର କୁମାର ମିଶ୍ର ଓଡିଶା ପ୍ରଶାସନିକ ସେବା ଓ ଭାରତୀୟ ପ୍ରଶାନୟକ ସେବା ପ୍ରତିଦ୍ୱନ୍ଦିତାମୂଳକ ପରୀକ୍ଷାର ଶବିଶେଷ ପାଠ୍ୟଖସଡ଼ା ଓ ଏହି ସମ୍ମାନଜନକ ପରୀକ୍ଷାର ରଣନୀତି ଉପରେ ଆଲୋକପାତ କରିଥିଲେ ।
ଉକ୍ତ ପାଠଚକ୍ରରେ ୨୦୦ ରୁ ଉର୍ଦ୍ଧ୍ଵ ଛାତ୍ର-ଛାତ୍ରୀ, ଗଣମାଧ୍ୟମ ପ୍ରତିନିଧି, ଶିକ୍ଷା ବିଭାଗର ବରିଷ୍ଠ ପ୍ରାଧ୍ୟାପିକା ଡକ୍ଟର ଗାୟତ୍ରୀ ଦାସ, ଇଂରାଜୀ ବିଭାଗର ଅଧ୍ୟାପିକା ଡକ୍ଟର ମୋନାଲିସା ମିଶ୍ର , ଇତିହାସ ବିଭାଗର ଅଧ୍ୟାପିକ ଶ୍ରୀମତୀ ବନିତା ଖଟେଇ ଏବଂ ମନୋବିଜ୍ଞାନର ଡେମୋନଷ୍ଟ୍ରେଟର ଶ୍ରୀମତୀ ସୁଜାତା ଦାସ ଉପସ୍ଥିତ ରହି ଛାତ୍ର-ଛାତ୍ରୀ ମାନଙ୍କୁ ପ୍ରୋତ୍ସାହିତ କରିଥିଲେ ।
କନଭେନର୍ ଶ୍ରୀ ସମୀର କୁମାର ମିଶ୍ର ସିଭିଲ ସର୍ଭିସ୍ ପରୀକ୍ଷା ପାଇଁ ବିସ୍ତୃତ ସିଲାବସ୍ ଏବଂ ଏହି ସମ୍ମାନଜନକ ପରୀକ୍ଷା ପାଇଁ ରଣନୀତି ଵିଷୟରେ ଛାତ୍ର-ଛାତ୍ରୀ ମାନଙ୍କୁ ଅବଗତ କରିଥିଲେ | ପରିଶେଷରେ ଶ୍ରୀ ଅବିନାଶ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।
