ବ୍ରହ୍ମପୁର ସେଲଟ୍ୟାକ୍ସ ଛକ ସ୍ଥିତ ଶଗୁନ କଲ୍ୟାଣ ମଣ୍ଡପଠାରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି | ଏଥିରେ ଗଞ୍ଜାମ ଆର ବି ଏସ କେ ଆୟୁଷ ଡାକ୍ତର ସଂଘର ସଭାପତି ଡା ମନୋରଞ୍ଜନ ରଥ ସଭାପତିତ୍ୱ ଗ୍ରହଣ କରିଥିଲେ | ଏକତା ହିଁ ବଳ, ଏକତା ରହିଲେ ଯେ କୌଣସି କାର୍ଯ୍ୟ ହାସଲ କରିବା ସମ୍ଭବ ହୋଇଥାଏ ବୋଲି ସଂଘର ସଭାପତି ଡାକ୍ତର ରଥ ଅଭିଭାଷଣରେ ରଖିଥିଲେ | ରାଜ୍ୟ ଆର ବି ଏସ କେ ଆୟୁଷ ଡାକ୍ତର ସଂଘର ସାଧାରଣ ସମ୍ପାଦକ ଡା ରବୀନ୍ଦ୍ର ସେଠୀ ରାଜ୍ୟର କାର୍ଯ୍ୟ ଖସଡ଼ା ବିଷୟରେ ସମ୍ୟକ ଧାରଣା ଦେଇଥିଲେ | ଚାକିରୀର ସ୍ଥାୟୀକରଣ ବିଷୟରେ ଆଲୋଚନା କରି ଆଗାମୀ ଦିନରେ କେମିତି ତାହାକୁ ହାସଲ କରାଯିବ ସେ ବିଷୟରେ ବି ଆଲୋକପାତ କରିଥିଲେ |
ଜିଲ୍ଲାର ସାଧାରଣ ସମ୍ପାଦକ ଡାକ୍ତର ଜୟଦେବ ନାୟକ ଜିଲ୍ଲାର କାର୍ଯ୍ୟ ଖସଡ଼ା ବିଷୟରେ ଆଲୋଚନା କରିବା ସଙ୍ଗେ ସଙ୍ଗେ ନିକଟ ଭବିଷ୍ୟତରେ ଗୋଟିଏ ଆୟୁଷ ସ୍ୱାସ୍ଥ୍ୟ ମେଳା, ଵୃକ୍ଷ ରୋପଣ କରିବା ପାଇଁ ପ୍ରସ୍ତାବ ରଖିଥିଲେ | ଜିଲ୍ଲାର ବରିଷ୍ଠ ଡାକ୍ତର ତଥା ଉପସଭାପତି ଡା ସୁବ୍ରତ ସ୍ୱରୂପ ପଣ୍ଡା ଆଗାମୀ ଦିନରେ ସଂଘକୁ କିପରି ସୁଦୃଢ କରାଯିବ ସେ ବିଷୟରେ ଆଲୋକପାତ କରିଥିଲେ ଓ ମୁଖପାତ୍ର ଡା ମନୋରଞ୍ଜନ ପଣ୍ଡା ସମସ୍ତ ଡାକ୍ତର କିପରି ଏକାଠି ହୋଇ ଗୋଟିଏ ଛାତ ତଳେ ରହି ଆଗାମୀ ଦିନରେ କିପରି ସଂଗଠିତ ହେବ ସେ ବିଷୟରେ ସମ୍ୟକ ଧାରଣା ଦେଇଥିଲେ | କୋଷାଧକ୍ଷ ଡା କିରଣ କୁମାର ପଣ୍ଡିତ କାର୍ଯ୍ୟକ୍ରମର ପରିଚାଳନା ଦାୟିତ୍ୱ ତୁଲାଇଥିଲେ | ଏଥି ସହିତ ଅନ୍ୟ ସମସ୍ତ ବରିଷ୍ଠ ଆୟୁଷ ଡାକ୍ତରମାନେ ସଙ୍ଘ ର କାର୍ଯ୍ୟ ପନ୍ଥା କିପରି ତ୍ୱରାନ୍ୱିତ ହେବ ଆଲୋଚନା କରିଥିଲେ | ଏହି ସଭାରେ ସଂଘର ଅନ୍ୟ କର୍ମକର୍ତ୍ତା ତଥା ଡା ଚିନ୍ମୟ ପ୍ରଧାନ, ଡା ଲିଙ୍ଗରାଜ ଶତପଥୀ ସହିତ ଅନେକ ମହିଳା ଡାକ୍ତର ମଧ୍ୟ ଯୋଗଦେଇଥିଲେ l ସଂଘରେ ମହିଳା ଡାକ୍ତରଙ୍କ ମୁଖ୍ୟ ଭୂମିକା ବିଷୟରେ ଆଲୋକପାତ କରାଯାଇଥିଲା l ଶେଷରେ ଯୁଗ୍ମ ସମ୍ପାଦକ ଡା ମନୋଜ କୁମାର ବେହରା ଧନ୍ୟବାଦ ଅର୍ପଣ କରିବା ସହିତ ସଭା ସାଙ୍ଗ କରିଥିଲେ |ଗଞ୍ଜାମ କୋଦଳା ରୁ କୃଷ୍ଣଚନ୍ଦ୍ର ପଲାଇ ଙ୍କ ରିପୋର୍ଟ ଆଇ ଜେ ବି ନିୟୁଜ।