ନିଜ ସ୍ତ୍ରୀ କୁ ବିଷ ଦେଇ ମାରିଦେବା ଅଭିଯୋଗ ରେ ଜେଲ ଯାଇଛନ୍ତି ସ୍ୱାମୀ । ଏହି ଭଳି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ବେଗୁନିଆପଡା ଥାନା ଷଣ୍ଢମୂଳ ପଂଚାୟତ ଅନ୍ତର୍ଗତ ଶାଳବଣ ଗ୍ରାମରେ । ସୂଚନା ପ୍ରକାରେ ଏହି ଗ୍ରାମର ଅଭିରାମ ସେଠିଙ୍କ ପୁଅ ଅନାଥ ସେଠି 12 ବର୍ଷ ପୂର୍ବେ ଏହି ଥାନା ଅନ୍ତର୍ଗତ ସାଂକୁଡା ଗ୍ରାମର ଦାମ ସେଠିଙ୍କ ଝିଅ ଗୀତା ସେଠି ଙ୍କୁ ବୈବାହିକ ରୀତିରେ ବିବାହ କରିଥିଲେ । ତାଙ୍କର ଗୋଟିଏ ସନ୍ତାନ ଜନ୍ମ ହୋଇଥିଲା । 2018 ମସିହା ରେପୋଲସରା ଥାନା ଅନ୍ତର୍ଗତ ବାଉଁଶିଆ ନିକଟ ନୁଆଁପଲି ଗ୍ରାମର ଦେବରାଜ ସେଠିଙ୍କ ଝିଅ ମିନାକ୍ଷୀ ସେଠିଙ୍କୁ ଅନାଥ ଦ୍ଵିତୀୟ ବିବାହ କରିଥିଲେ । ଏହି ଠାରୁ ପ୍ରଥମ ସ୍ତ୍ରୀ ଓ ଅନାଥ ଙ୍କ ମଧ୍ୟରେ ଝଗଡା ହୋଇଥିଲା । ବର୍ତମାନ ଅନାଥ ଓ ଉଭୟ ସ୍ତ୍ରୀ ଅନାଥ ଙ୍କ ପରିବାର ସହ ଏକାଠି ରହୁଥିଲେ । ଗୁରୁବାର ଦିନ ଗୀତା ବିଷ ପିଇ ଛଟପଟ ହେଉଥିବା ବେଳେ ଅନାଥ ଗୀତାକୁ ସୁମଣ୍ଡଳ ମେଡିକାଲ ନେଇଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ଓ ପରେ ଭୁବନେଶ୍ୱର ଏକ ମେଡିକାଲ କୁ ନେଇଥିଲେ । ତେବେ ସେଠାରେ ଗୀତା ମୃତ୍ୟୁ ବରଣ କରିଥିଲେ । ଗୀତର ବାପା ଦାମ ସେଠି ବେଗୁନିଆପଡା ଥାନାରେ ଗୀତକୁ ବିଷ ଦେଇ ମାରିଦେଇ ଥିବା ଅଭିଯୋଗ ପତ୍ର ଦେଇଥିଲେ । ଅଭିଯୋଗ ପ୍ରକାରେ ଥାନା କେଶ ନମ୍ବର 126/2024ରେ ମାମଲା ୠଜୁକରି ବେଗୁନିଆପଡା ପୋଲିସ ଭୁବନେଶ୍ୱର ଯାଇ ଗୀତାର ସବ ଜବତ କରି ବ୍ୟବଛେଦ ପାଇଁ ପଠାଇବା ସହ ଅନାଥ କୁ ଗିରଫ କରିଥିଲେ । ଅଭିଯୋଗ ପ୍ରକାରେ ଶୁକ୍ରବାର ଅପରାହ୍ନ 5 ଘଣ୍ଟ ସମୟରେ ଅନାଥ କୁ କୋର୍ଟ ଚଲାଣ କରିଥିବା ଥାନା ଅଧିକାରୀ ଅଶୋକ କୁମାର ହାଁସଦା ସୂଚନା ଦେଇଛନ୍ତି ।
ଗଞ୍ଜାମ କୋଦଳା ରୁ କୃଷ୍ଣ ଚନ୍ଦ୍ର ପଲାଇ ଙ୍କ ରିପୋର୍ଟ ଆଇ ଜେ ବି ନିୟୁଜ।