ବ୍ରହ୍ମପୁର : ୧୬/୦୨/୨୩ ; ଗଞ୍ଜାମ ଜିଲ୍ଲାର ଗୋପାଳପୁର ନିର୍ବାଚନ ମଣ୍ଡଳୀକୁ ନେଇ ଦୁଇ ବର୍ଷ ହେଲା ଚର୍ଚ୍ଚାରେ । ଡ.ପ୍ରଦୀପ ପାଣିଗ୍ରାହୀ ବିଜେଡ଼ିରୁ ବହିସ୍କାର ହେବା ପରେ ଏହାର ଦାୟିତ୍ବ ନେଇଛନ୍ତି ମୁଖ୍ୟମନ୍ତ୍ରୀଙ୍କ ରାଜନୈତିକ ସଚିବ ଗୋପବନ୍ଧୁ ଦାସ । ତେବେ ଏହାରି ଭିତରେ ଏକ ନୂଆ ମୋଡ଼ ଦେଖିବାକୁ ମିଳିଛି । ଗୋପାଳପୁର ନିର୍ବାଚନ ମଣ୍ଡଳୀର କିଛି ଲୋକଙ୍କ ସହ ଆଲୋଚନା କରିଛନ୍ତି ପୂର୍ବତନ ଦୁଇ ଦୁଇଥରର ବ୍ରହ୍ମପୁର ସାଂସଦ ସିଦ୍ଧାନ୍ତ ମହାପାତ୍ର । ୨୦୦୯ ରେ ବିଜେଡି ଟିକେଟ ପାଇ ବ୍ରହ୍ମପୁର ସାଂସଦ ହୋଇ ଥିବା ବେଳେ ୨୦୧୪ ରେ ମଧ୍ଯ ଟିକେଟ ପାଇ ବିଜୟ ହୋଇ ପୁଣି ଥରେ ସାଂସଦ ହୋଇଥିଲେ କିନ୍ତୁ ୨୦୧୯ ମସିହାରେ ସିଦ୍ଧାନ୍ତ ମହାପାତ୍ରଙ୍କୁ ବିଜେଡ଼ି ପକ୍ଷରୁ ଟିକେଟ ମିଳିନଥିଲା । କିନ୍ତୁ ଦଳର ବିରୋଧରେ ନ ଯାଇ ଚୁପ୍‌ ରହିଥିଲେ । ଆଉ ଗଞ୍ଜାମ ଜିଲ୍ଲାରୁ ଦୀର୍ଘ ଦିନ ଧରି ଦୂରେଇ ରହିଥିଲେ । ଯେହେତୁ ବ୍ରହ୍ମପୁରର ଦୁଇ ଦୁଇଥର ସାଂସଦ ରହିଥିଲେ ଯିଏ ବି ତାଙ୍କର ନିଜ ଲୋକ ରହୁଥିଲେ ଭୋଜିଭାତ, ମନ୍ଦିର ପ୍ରତିଷ୍ଠା ଭଳି କାର୍ଯ୍ୟକ୍ରମରେ ଯୋଗ ଦେଉଥିବା ବେଳେ ବିଜେଡ଼ିର କୌଣସ ଦଳୀୟ କାର୍ଯ୍ୟକ୍ରମରେ ଯୋଗ ଦେଉନଥିଲେ । ଏପରିକି ୨୦୧୯ ନିର୍ବଚାନ ସମୟରେ ମଧ୍ୟ ସିଦ୍ଧାନ୍ତଙ୍କୁ ଦେଖିବାକୁ ମିଳିନଥିଲା । ଗତ ପଞ୍ଚାୟତ ନିର୍ବାଚନରେ ପୁଣି ଥରେ ସିଦ୍ଧାନ୍ତ ମହାପାତ୍ରଙ୍କୁ ଦେଖିବାକୁ ମିଳିଥିଲା ଛତ୍ରପୁର ନିର୍ବାଚନ ମଣ୍ଡଳୀରେ। କିନ୍ତୁ ଗଣମାଧ୍ୟମ ପ୍ରତିନିଧିଙ୍କ ଠାରୁ ଦୁରେଇ ରହୁଥିଲେ । ଏବେ ପୁଣି ସିଦ୍ଧାନ୍ତ ଗଞ୍ଜାମ ଗସ୍ତକୁ ନେଇ ଚର୍ଚ୍ଚାରେ । ଗତକାଲି ବିଜେଡ଼ି ଜିଲ୍ଲା ସଭାପତିଙ୍କ ରାମଚରିତ ମାନସ ପାରାୟଣ କାର୍ଯ୍ୟକ୍ରମରେ ଯୋଗ ଦେଇଥିଲେ । ପରବର୍ତ୍ତୀ ଅବସ୍ଥାରେ ଗୋପାଳପୁର ନିର୍ବାଚନ ମଣ୍ଡଳୀରେ ଥିବା କରୁଣା ଡ଼ାକବଙ୍ଗଳାରେ କିଛି ଲୋକଙ୍କ ସହ ଆଲୋଚନା କରିଥିଲେ । ସେଠାରୁ ଶୁଣାଯାଉଛି କି ଛତ୍ରପୁର ଓ ଗୋପାଳପୁର ନିର୍ବାଚନ ମଣ୍ଡଳୀ ଉପରେ ଆଲୋଚନା କରାଯାଇଥିଲା। ତେବେ ସିଦ୍ଧାନ୍ତ ମହାପାତ୍ର ନିଜ ନିର୍ବାଚନ ମଣ୍ଡଳୀକୁ ବେକ୍‌ ହୋଇଥିବା ଘଟଣାକୁ ନେଇ ବିଭିନ୍ନ ମହଲରେ ବିଭିନ୍ନ ଚର୍ଚ୍ଚା ହେଉଛି । ସେପଟେ ଜିଲ୍ଲା ସଭାପତି କହିଛନ୍ତି ସିଦ୍ଧାନ୍ତ ମହାପାତ୍ର ଦୁଇ ଦୁଇ ଥର ସାଂସଦ ରହିଥିବା ବେଳେ ଅନେକ ଲୋକଙ୍କ ସହ ସମ୍ପର୍କ ମଧ୍ୟ ରହିଛି । ସେ ମଧ୍ୟ ଅନେକ ସମୟରେ ବିଭିନ୍ନ କାର୍ଯ୍ୟକ୍ରମରେ ଆସି ଯୋଗ ଦିଅନ୍ତି । ଆଉ ତାଙ୍କରି ସହିତ ପରଚିତ ଲୋକେ ମଧ୍ୟ ବିଭିନ୍ନ ବିଷୟରେ ଆଲୋଚନା କରିଛନ୍ତି । ପ୍ରଦୀପ ପାଣିଗ୍ରାହୀଙ୍କୁ ଦଳରୁ ବହିସ୍କାର କରିବା ପରେ ଗୋପାଳପୁର ନିର୍ବାଚନ ମଣ୍ଡଳୀର ଭବିଷ୍ୟତ କଣ ହେବ ତାହା ୨୦୨୪ ନିର୍ବାଚନ ପୂର୍ବରୁ ବିଜେଡ଼ି ସୁପ୍ରିମ ଘୋଷଣା କରିବେ । ଆଉ ଏହାରି ଭିତରେ ଗୋପବନ୍ଧୁ ଦାସ ଦାୟିତ୍ବ ନେଇଥିବା ବେଳେ ଗୋପାଳପୁର ନିର୍ବାଚନ ମଣ୍ଡଳୀ ପାଇଁ ଅନେକ ନେତା ଆଶାୟୀ ରହିଛନ୍ତି ।