ଝରୀଗାଁ (ଲାଲଧର ଦୁର୍ଗା )ତା ୨୨/୦୯-ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଧାମନାଗୁଡା ପଂଚାୟତ ଅଧୀନରେ ଥିବା ଚାରଗାଁ ଠାରେ ନବରଙ୍ଗପୁର ଜିଲ୍ଲା ମୂଳ ନିବାସୀ ଅନୁସୂଚିତ ଜାତିର ନୁଆଁଖାଇ ଭେଟଘାଟ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି |ଜିଲ୍ଲା ସଭାପତି ଅର୍ଜୁନ ସମରଥଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ନବରଙ୍ଗପୁର ଜିଲ୍ଲା କମିଟିର ସମସ୍ତ କର୍ମକର୍ତ୍ତା ଓ ଜିଲ୍ଲାର ୧୦ଗୋଟି ବ୍ଲକର ସମସ୍ତ ବ୍ଲକ ସଭାପତି, ସେକ୍ରେଟାରୀ ଓ କୋଷାଧକ୍ଷଙ୍କ ସମେତ ଅନ୍ୟାନ୍ୟ କର୍ମକର୍ତ୍ତାମାନେ ଶତାଧିକ ସଂଖ୍ୟାରେ ଉପସ୍ଥିତ ରହିଥିଲେ |ଉପସ୍ଥିତ ବରିଷ୍ଠ କର୍ମକର୍ତ୍ତାମାନେ ଅନୁସୂଚିତ ଜାତିର ଜନସାଧାରଣ ମାନଙ୍କ ଉପରେ ହେଉଥିବା ବିଭିନ୍ନ ଅତ୍ୟାଚାର, ପ୍ରତ୍ୟେକ କ୍ଷେତ୍ରରେ ଅଣଦେଖା ତଥା ଅନୁସୂଚିତ ଜାତିର ଜନସାଧାରଣଙ୍କ ପ୍ରତି ସରକାରଙ୍କ ବୈମାତୃକ ମନୋଭାବ ଉପରେ ବିଶଦ ଭାବେ ଆଲୋଚନା କରିଥିଲେ ଓ ଆଗକୁ ସମସ୍ତେ ଏକଜୁଟ ହୋଇ ନିଜ ଜାତିର ହକ ଓ ଅଧିକାର ପାଇଁ ସରକାରଙ୍କ ସହ ଲଢେଇ କରିବା ପାଇଁ ଉପସ୍ଥିତ କର୍ମକର୍ତ୍ତା ମାନଙ୍କୁ ଆହ୍ୱାନ କରିଥିଲେ |ତତ ସହିତ ଝରୀଗାଁ ବ୍ଲକର ପଦ ପଦବୀ ଖାଲି ପଡିଥିବାରୁ ନୂତନ ସଭାପତି ଭାବେ ପ୍ରତାପ ଦୁରିଆ, ସେକ୍ରେଟାରୀ ଭାବେ ଘନଶ୍ୟାମ ହରିଜନ, କୋଷାଦକ୍ଷ ଭାବେ ଜଗବନ୍ଧୁ ପନକାଙ୍କୁ ଚୟନ କରାଯାଇଥିଲା |ଜିଲ୍ଲା କମିଟିର ଦୁଇଜଣ ସଦସ୍ୟଙ୍କ ମୃତ୍ୟୁ ଘଟିଥିବାରୁ ସେମାନଙ୍କ ସ୍ଥାନରେ ପୂର୍ଣ୍ଣଚନ୍ଦ୍ର ବାଗ ଏବଂ ପବିତ୍ର ମୋହନ ମିର୍ଗାନଙ୍କୁ ଚୈତନ୍ୟ ମିର୍ଗାନଙ୍କ ପ୍ରସ୍ତାବ କ୍ରମେ ରଖାଗଲା |ଶ୍ରୀ ମିର୍ଗାନଙ୍କ ପ୍ରସ୍ତାବକୁ ଲମ୍ବୋଦର ପନକା ଓ ଚନ୍ଦ୍ରଶେଖର ନିଆଲ ସମର୍ଥନ ଜଣେଇଥିଲେ |ଶେଷରେ ସର୍ବ ସମ୍ମତି କ୍ରମେ ଅକ୍ଟୋବର ପ୍ରଥମ ସପ୍ତାହରେ ନୁଆଁଖାଇ ଭେଟଘାଟର ଆୟୋଜନ କରିବା ପାଇଁ ନିଷ୍ପତି ନିଆଯାଇଥିଲା |ଉପସ୍ଥିତ କର୍ମକର୍ତ୍ତା ମାନଙ୍କ ମଧ୍ୟରେ ଚୁନିଲାଲ ମିର୍ଗାନ,ହରିହର ଦୁର୍ଗା, ପୂର୍ଣ୍ଣଚନ୍ଦ୍ର ବାଗ, କ୍ଷେମରାଜ ବାଗ, ମଣିରାମ ହରିଜନ, ଗଙ୍ଗା କଚିମ,ବେଲାଲସନ ପୂଜାରୀ, ସଭାସିଂ ମିର୍ଗାନ, ମଣିରାମ ଡଙ୍ଗରି, ସୁରେଶ ଛତ୍ରିଆ, ଜଗବନ୍ଧୁ ମିର୍ଗାନ, ଡମ୍ବରୁଧର ସୁନା ପ୍ରମୁଖ ଉପସ୍ଥିତ ରହିଥିଲେ |ଝରିଗାଁ ରୁ ଲାଲଧର ଦୁର୍ଗା ଙ୍କ ରିପୋର୍ଟ IJB NEWS
