ଗଞ୍ଜାମ ଜିଲ୍ଲାର ଜରଡ଼ା ଥାନାରେ ରୁଜୁ ହୋଇଥିବା କଲରାପତରିଆ ବାଘ ଚମଡ଼ା ଚୋରାଚାଲାଣ ମାମଲାର ତଦନ୍ତକୁ କ୍ରାଇମବ୍ରାଞ୍ଚର ୱାଇଲ୍ଡ ଲାଇଫ୍ କ୍ରାଇମ ସେଲ୍‌କୁ ହସ୍ତାନ୍ତର କରିବାକୁ ବ୍ରହ୍ମପୁର ଏସ୍‌ପି ଡା. ସର୍ବଣା ବିବେକ ଏମ୍, ସିଆଇଡି-କ୍ରାଇମବ୍ରାଞ୍ଚ ଡିଜି ଓ ଆଇଜିଙ୍କୁ ଚିଠି ଲେଖି ଅନୁରୋଧ କରିଛନ୍ତି। ଗତ ଜୁନ୍ ୬ ତାରିଖରେ ଦୁଇଜଣ ଅଭିଯୁକ୍ତଙ୍କ ନିକଟରୁ ଦୁଇଟି କଲରାପତରିଆ ବାଘ ଚମଡ଼ା, ଦୁଇଟି ଜୀବନ୍ତ ବୋମା ଏବଂ ଏକ ଖଣ୍ଡା ଜବତ ହୋଇଥିଲା। ବନ୍ୟଜନ୍ତୁ ଅପରାଧ ସହ ବିସ୍ଫୋରକ ଓ ଅସ୍ତ୍ରଶସ୍ତ୍ର ଜଡିତ ଥିବାରୁ ମାମଲାର ଅଧିକ ତଦନ୍ତ ଏବଂ ପ୍ରସିକ୍ୟୁସନ ପତ୍ର ଦାଖଲ ପାଇଁ ଏହାକୁ କ୍ରାଇମବ୍ରାଞ୍ଚର ବିଶେଷଜ୍ଞ ‘ୱାଇଲ୍ଡ ଲାଇଫ୍ କ୍ରାଇମ ସେଲ୍’କୁ ହସ୍ତାନ୍ତର କରିବାକୁ ଏସ୍‌ପି ଅନୁରୋଧ କରିଛନ୍ତି।