ଛତ୍ରପୁର ତା ୨୬/୬/୨୬(ଅରୁଣ କୁମାର ପଣ୍ଡା )
ଆଜି କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନଙ୍କ ୫୭ ତମ ଜନ୍ମ ଦିନ ଏହାକୁ ନେଇ ରାଜ୍ୟ ବ୍ୟାପି କେଉଁଠି ହୋଇଥିଲା ପୂଜାର୍ଚନା ତ କେଉଁଠି ବୃକ୍ଷ ରୋପଣ କାର୍ଯ୍ୟକ୍ରମ। ଏହି ଅବସରରେ ଗଞ୍ଜାମ ଜିଲ୍ଲା ର ଛତ୍ରପୁର ନିର୍ବାଚନ ମଣ୍ଡଳୀ ରେ ଆୟୋଜିତ ହୋଇଥିଲା ବିଶାଳ ମେଗା ରକ୍ତଦାନ ଶିବିର ଯାହାର ନେତୃତ୍ୱ ନେଇଥିଲେ ସ୍ଥାନୀୟ ଛତ୍ରପୁର ଯୁବ ବିଧାୟକ କୃଷ୍ଣ ଚନ୍ଦ୍ର ନାୟକ। ଛତ୍ରପୁର ସ୍ଥିତ ନୂଆ ବସଷ୍ଟାଣ୍ଡରେ ରକ୍ତଦାନ ଶିବିର ଆୟୋଜନ କରାଯାଇଥିଲା ।

ଏହି ରକ୍ତଦାନ ଶିବିରରେ ଛତ୍ରପୁର ନିର୍ବାଚନ ମଣ୍ଡଳୀର ଶହ ଶହ କର୍ମୀ ଓ ବାସିନ୍ଦା ମାନେ ସ୍ବେଚ୍ଛାକୃତ ଭାବେ ପହଞ୍ଚି ରକ୍ତଦାନ କରିଥିଲେ ଯାହାକି ଶେଷରେ ୧୫୦୧ ୟୁନିଟ ରକ୍ତ ସଂଗ୍ରହ ହୋଇଥିବା ଏବଂ ଏହା ଜିଲ୍ଲା ରେ ରେକର୍ଡ ସଂଖ୍ୟକ ବୋଲି କୁହାଯାଇଛି ।
ବର୍ତ୍ତମାନ ଗ୍ରୀଷ୍ମ ପ୍ରବାହ ଅଧିକ ରହିଥିବା ବେଳେ ବିଭିନ୍ନ ମେଡିକାଲରେ ରକ୍ତର ଘୋର ସଙ୍କଟ ଦେଖିବାକୁ ମିଳିଛି । ବିଶେଷ କରି ଏମକେସିଜି ମେଡିକାଲର ରକ୍ତ ଭଣ୍ଡାରରେ ମଧ୍ୟ ରକ୍ତର ଅଭାବ ଯୋଗୁଁ ରୋଗୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । କେବଳ ଏମକେସିଜି ନୁହେଁ ବରଂ ସାରା ରାଜ୍ୟରେ ମଧ୍ୟ ରକ୍ତର ସଙ୍କଟ ଦେଖିବାକୁ ମିଳିଛି । ଆଉ ଏହାକୁ ଦୃଷ୍ଟିରେ ରଖି ଏଭଳି ବିଶାଳ ରକ୍ତଦାନ ଶିବିରର ଆୟୋଜନ କରାଯାଇଛି । ଆଉ ଏହି ଶିବିରରେ ଏଥିପାଇଁ ବ୍ରହ୍ମପୁର ଏମକେସିଜି ମେଡିକାଲର ରକ୍ତ ଭଣ୍ଡାର, ଭଞ୍ଜନଗର ମେଡିକାଲ ରକ୍ତ ଭଣ୍ଡାର, ଗଜପତି ମେଡିକାଲର ରକ୍ତ ଭଣ୍ଡାର ଓ କଟକ ମେଡିକାଲ ରକ୍ତ ଭଣ୍ଡାରର ଟିମ୍ ପହଞ୍ଚି ରକ୍ତଦାତା ମାନଙ୍କର ରକ୍ତ ସଂଗ୍ରହ କରିଥିଲେ ।

ଆଗାମୀ ଦିନରେ ମଧ୍ୟ ଏଭଳି ରକ୍ତଦାନ ଶିବିର ଆଗକୁ ଜାରି ରହିବ ବୋଲି କହିଛନ୍ତି ଛତ୍ରପୁର ବିଧାୟକ । ଏହି ଅବସରରେ ଆୟୋଜିତ ଶିବିର କୁ ବିଧାୟକ ଙ୍କ ପ୍ରତିନିଧି ବନୋଜ ନାହାକ, ବିଜେପି ଗଞ୍ଜାମ ଜିଲ୍ଲା ସାଧାରଣ ସମ୍ପାଦକ N ଦୁର୍ଯ୍ୟୋଧନ ରେଡ୍ଡୀ, ବିଜେପି ଜିଲ୍ଲା ସଭାପତି ସରୋଜ ସାବତ, ସାଂସଦ ପ୍ରତନିଧି ସନ୍ତୋଷ ରେଡ୍ଡୀ,ଆଶୁତୋଷ ମହାପାତ୍ର, ଭାସ୍କର ବେହେରା, ସନ୍ତୋଷ ସେଠି, ପ୍ରଦୋଷ ବେହେରା,ଉଦୟ ନାୟକ,ଯୁବ ମୋର୍ଚା ସଭାପତି ସୁରେଶ ରେଡ୍ଡୀ,ବିଶିଷ୍ଟ ସମାଜ ସେବି କୃଷ୍ଣ ଚନ୍ଦ୍ର ନାୟକ (ମହାରାଜ )
ବରିଷ୍ଟ ବିଜେପି ନେତୃବୃନ୍ଦ ଯୁବ ନେତା, ଓ ସମସ୍ତ ମଣ୍ଡଳ ସଭାପତି, ବିଭିନ୍ନ ପଂଚାୟତ ର ସରପଞ୍ଚ ଓ ସମିତି ସଭ୍ୟ ଙ୍କ ନେତୃତ୍ୱ ରେ ଶତାଧିକ ଲୋକ ପହଂଚି ରକ୍ତଦାନ କରଥିଲେ।