ଭୁବନେଶ୍ବର: ଦ୍ବିତୀୟ ଥର ପାଇଁ ବିବାହ ବନ୍ଧନରେ ବାନ୍ଧି ହେଲେ ଜୁନାଗଡ ବିଧାୟକ କ୍ୟାପଟେନ୍ ଦିବ୍ୟଶଙ୍କର ମିଶ୍ର। ସଫ୍ଟଓୟାର୍ ଇଞ୍ଜିନିୟର୍ ପ୍ରିୟଙ୍କା ଅଗସ୍ତିଙ୍କ ସହ ତାଙ୍କର ବିବାହ ସମ୍ପନ୍ନ ହୋଇଛି। ବିବାହ ଉତ୍ସବରେ କେବଳ ଉଭୟ ପରିବାର ଲୋକ ଓ କିଛି ନିମନ୍ତ୍ରିତ ଅତିଥି ଯୋଗ ଦେଇଥିଲେ।

ସୂଚନାଯୋଗ୍ୟ ଆଜି ସକାଳେ ନିର୍ବଦ୍ଧ ହୋଇଥିଲା, ଆଉ ଏବେ ବିବାହ ଶେଷ ହୋଇଛି। ପୁରୀ ଜିଲା ପିପିଲିର ଦି ଆଡଭେଞ୍ଚର କନଭେନସରେ ବୈଦିକ ରୀତିନୀତିରେ ବିବାହ ସମ୍ପନ୍ନ ହୋଇଛି । ତାଙ୍କ ନିର୍ବାଚନମଣ୍ଡଳୀ ଅନ୍ତର୍ଗତ ଗୋଲାମୁଣ୍ଡା ବ୍ଲକ୍ ଦେକୋଟ ଗାଁର ପ୍ରିୟଙ୍କା ଅଗସ୍ତୀ ତାଙ୍କ ହାତ ଧରିଛନ୍ତି । ଉଭୟଙ୍କର ଏହା ଦ୍ୱିତୀୟ ବିବାହ ବୋଲି ଜଣାପଡିଛି । ଏହି ବିବାହ ସମ୍ପୂର୍ଣ୍ଣ ବ୍ୟକ୍ତିଗତ ଥିଲା । ଏହି ବିବାହରେ କେହି ଭିଆଇପି ଓ ଭିଭିଆଇପି ଯୋଗ ଦେଇଥିବା ସୂଚନା ମିଳିନାହିଁ । ଉଭୟଙ୍କ ପରିବାରରୁ ମୋଟ ୫୦ରୁ ୬୦ ଜଣଙ୍କ ଲୋକ ଯୋଗ ଦେଇଥିବା ସୂଚନା ମିଳିଛି ।

ସୂଚନାଯୋଗ୍ୟ, ପୂର୍ବରୁ ମନ୍ତ୍ରୀ ଦିବ୍ୟଶଙ୍କର ଜୟପାଟଣାରେ ବିବାହ କରିଥିଲେ। କୌଣସି କାରଣ ପାଇଁ ତାଙ୍କ ପ୍ରଥମ ପତ୍ନୀଙ୍କ ସହ ଛାଡ଼ପତ୍ର ହୋଇଥିଲା । ଦିବ୍ୟଶଙ୍କରଙ୍କର ପୁଅ ବି ଅଛନ୍ତି। ସେ ଲଣ୍ଡନରେ ରହୁଛନ୍ତି। ଅନ୍ୟପଟରେ ପ୍ରିୟଙ୍କାଙ୍କର ମଧ୍ୟ ଏହା ଦ୍ବିତୀୟ ବିବାହ। ପୂର୍ବରୁ ମଧ୍ୟ ତାଙ୍କର ଛାଡ଼ପତ୍ର ହୋଇସାରିଛି ।

ପୂର୍ବରୁ କ୍ୟାପଟେନ୍ ଦିବ୍ୟଶଙ୍କର ମିଶ୍ରଙ୍କ ବିବାହକୁ ନେଇ ଚର୍ଚ୍ଚାର ଜୋର ଧରିଥିଲା । ତେଣୁ ସୋସିଆଲ ମିଡିଆରେ ଏହି ଖବର ଭାଇରାଲ ବିଜୁଳି ଭଳି ହୋଇଥିଲା ।