ଗଞ୍ଜାମ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ବୁଧବାର ଦିନ ଦିଗପହଣ୍ଡି ବ୍ଳକ ଅନ୍ତର୍ଗତ ପଦ୍ମନାଭପୁର ପଞ୍ଚାୟତ କାର୍ଯ୍ୟାଳୟ ପରିସରରେ ମହିଳା ସ୍ୱୟଂ ସହାୟକ ଗୋଷ୍ଠୀମାନଙ୍କ ନିମନ୍ତେ ମିଶନ ଶକ୍ତି ୠଣ ବ୍ୟବସ୍ଥା ନେଇ ଏକ ସଚେତନତା ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍ଥାନୀୟ ସରପଞ୍ଚ ପ୍ରତିନିଧି ବି . କ୍ରିଷ୍ଣାରାଓଙ୍କ ସଭାପତିତ୍ବରେ ସମନ୍ଵିତ ଶିଶୁ ବିକାଶ ପ୍ରକଳ୍ପ ଅଧିକାରିଣୀ ପୁଷ୍ପାଞ୍ଜଳୀ ଶତପଥୀ ଅତିଥି ଭାବେ ଯୋଗ ଦେଇଥିଲେ । ସେହିପରି ସ୍ଥାନୀୟ ସରପଞ୍ଚ ବି . ସନ୍ଧ୍ୟାରାଣୀ ସୁବୁଦ୍ଧି , କରପଡା ସରପଞ୍ଚ ଫନିନ୍ଦ୍ର ଚନ୍ଦ୍ର ଗୋସ୍ୱାମୀ , ଏଚ୍ ଡି ଏଫ୍ ସି ବ୍ୟାଙ୍କ ଅଫିସର ସନ୍ତୋଷ ରାଉତ , ସମିତି ସଭ୍ଯା ସୁନୀତା ରେଡ୍ଡୀ , ବି ଏଲ୍ ସି ସଙ୍ଗୀତା ପଣ୍ଡା ପ୍ରମୁଖ ଉପସ୍ଥିତ ରହି ଶିବିରର ଆଭିମୁଖ୍ୟ ସମ୍ପର୍କରେ ଆଲୋଚନା କରିଥିଲେ । ମିଶନ ଶକ୍ତି ବିପିସି ଅଜୟ କୁମାର ସାହୁ କାର୍ଯ୍ୟକ୍ରମ ସଂଯୋଜନା କରିଥିଲେ । ଏହି ପରିପ୍ରେକ୍ଷୀରେ ମହିଳା ମାନଙ୍କୁ ଆତ୍ମ ନିର୍ଭରଶୀଳ ତଥା କ୍ରିୟାଶୀଳ କରିବା ସକାଶେ ମିଶନ ଶକ୍ତି ଯୋଜନାରେ ସ୍ବୟଂ ସହାୟକ ଗୋଷ୍ଠୀ ମହିଳା ମାନଙ୍କୁ ଋଣ ବ୍ୟବସ୍ଥା ଉପରେ ଗୁରୁତ୍ୱାରୋପ ଦେଇ ଆସୁଛନ୍ତି । ଯାଦ୍ବାରା ମହିଳା ମାନେ ଏହି ଋଣ ମାଧ୍ୟମରେ କିଛି ବ୍ୟବସାୟ କରି ନିଜେ ସ୍ବାବଲମ୍ବୀ ହେବା ସହ ଅନ୍ୟକୁ ମଧ୍ୟ ସ୍ବାବଲମ୍ବୀ ହେବାରେ ସହାୟ ସୋଇପାରିବ ବୋଲି କହିଥିଲେ । ତେଣୁ ଗ୍ରାମାଞ୍ଚଳ ମାନଙ୍କରେ ଅଧିକରୁ ଅଧିକ ମହିଳା ସ୍ବୟଂ ସହାୟକ ଗୋଷ୍ଠୀ କିପରି ସଙ୍ଗଠିତ ହୋଇପାରିବ ତାହା ଉପରେ ବିଶେଷ ଆଲୋଚନା କରାଯାଇଥିଲା । ମହିଳା ମାନଙ୍କର ସୁଧ ଭାର କମାଇବା ସହ ବିଭିନ୍ନ ରୋଜଗାର ଭିତ୍ତିକ କାର୍ଯ୍ୟକ୍ରମ କରାଇବା ସକାଶେ ସରକାର ଏହି ପଦକ୍ଷେପ ନେଇଛନ୍ତି । ଏହା ମାଧ୍ୟମରେ ଯୋଗ୍ୟ ସ୍ବୟଂ ସହାୟକ ଗୋଷ୍ଠୀ ନିଜ ବ୍ୟାଙ୍କରେ ସଠିକ ସମୟରେ ଋଣ ପରିଶୋଧ କରି ବାର୍ଷିକ ବିନା ସୁଧରେ ୫ ଲକ୍ଷ ଟଙ୍କା ପର୍ଯ୍ୟନ୍ତ ମିଶନ ଶକ୍ତି ୠଣ ପାଇପାରିବେ କହିଥିଲେ । ଆଜିର ଶିବିରରେ ବ୍ଳକ ଅଧିନସ୍ଥ ପଦ୍ମନାଭପୁର , ଜକର , ଗଡଗୋବିନ୍ଦପୁର , ବମକୋଇ , କରପଡା ଆଦି ପଞ୍ଚାୟତର ୧୪୦ ମହିଳା ଗୋଷ୍ଠୀ ଉପସ୍ଥିତ ରହିଥିଲେ ।

ଦିଗପହଣ୍ଡି ପ୍ରତିନିଧି କିରଣ କୁମାର ବେହେରା