ଗଞ୍ଜାମ ଜିଲ୍ଲା କୋଦଳା ଏନଏସି ଅନ୍ତର୍ଗତ ବଂଗଲା ସାହିରେ ଗତକାଲି ଦିନ ୧୨ ଘଣ୍ଟା ସମୟରେ ସିରିଜ୍ ବୋମା ବିସ୍ଫୋରଣ ଘଟାଇଥିବା ମୁଖ୍ୟ ଅଭିଯୁକ୍ତକୁ ଆଜି କୋଦଳା ପୋଲିସ ଗିରଫ କରି କୋର୍ଟ ଚାଲାଣ କରିଛି। ସୂଚନା ଅନୁସାରେ ଗତକାଲି ଖଲ୍ଲିକୋଟ ଥାନା ଅନ୍ତର୍ଗତ ନୂଆଁ ଫାସୁଲା ଗ୍ରାମର ୩୦ ବର୍ଷୀୟ ଅଭିଯୁକ୍ତ ସୀତାରାମ ରାଉଲ କୋଦଳା ରେଞ୍ଜର ବଂଗଲା ସାହିରେ ୬ ଗୋଟି ବୋମା ସିରିଜ୍ ବିଷ୍ଫୋରଣ ଘଟାଇଥିବା ବେଳେ ଏଥିରେ ଜଣେ ବ୍ଯକ୍ତି ଆହତ ହୋଇଥିଲେ। ଅଭିଯୁକ୍ତଙ୍କ ବାପା, ଭାଇ ମଧ୍ୟ ଖଲ୍ଲିକୋଟ ଅଞ୍ଚଳରେ ବୋମା ବିସ୍ଫୋରଣ କରିଥିବା ନେଇ ପୂର୍ବରୁ ମାମଲା ମଧ୍ୟ ରହିଛି। ଅଭିଯୁକ୍ତଙ୍କ ନାମରେ ହତ୍ଯା, ବୋମା ବିସ୍ଫୋରଣ, ଚୋରୀ, ଡକାୟତି ଉଦ୍ୟମ ଭଳି ପୂର୍ବରୁ ଅନେକ ସଂଗୀନ ମାମଲା ଖଲ୍ଲିକୋଟ ଥାନାରେ ରହିଥିବା ନେଇ କୋଦଳା ଥାନା ଅଧିକାରୀ ଉମାକାନ୍ତ ସାହୁ ସୂଚନା ଦେଇଛନ୍ତି। ଆଜି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଗୋଟିଏ ଖଣ୍ଡା ବେଳେ ୫ ଟି ଅଫୁଟା ବୋମା ଜବତ କରାଯାଇଛି। ଏନେଇ ଅଧିକ ତଦନ୍ତ ଜାରି ରହିଥିବା ସୂଚନା ମିଳିଛି।ଗଞ୍ଜାମ କୋଦଳା ରୁ କୃଷ୍ଣ ଚନ୍ଦ୍ର ପଲାଇ ଙ୍କ ରିପୋର୍ଟ ଆଇ ଜେ ବି ନିଉଜ୍ ।